Goethe Institut

Пойтахтимиз Тошкентда жойлашган Гёте-Институти Германия Федератив Республикаси маданият муассасаси ҳисобланади. Гёте-институтининг фаолияти бир неча ўн йилликлардан буён ҳақли равишда нафақат ташқи маданий сиёсат, балки ташқи маданий ва таълим сиёсати сифатида ҳам тан олинмоқда. Таълим бутун дунё ҳамжамияти томонидан таклиф этилаётган имкониятлардан фойдаланиш учун калитдир. Гёте-институти – бу Германия ва халқаро майдонда таълим соҳасида фаолият юритаётган муҳим ташкилотдир. Шу билан бирга, Гёте-институтининг таълим тушунчаси онгли равишда таълим ва малака ошириш билан чекланиб қолмайди. У шахснинг умумий ривожланишини ўз ичига қамраб олади ва доимо маърифат, эркинлик, ақлий имконият, фуқаролик жавобгарлиги ва маданий иштирокни англатади. Маданият, сиёсат ва иқтисодиёт соҳасида нафақат Германия, балки Гёте-институтни қабул қилган барча давлатлардан келаётган ижобий фикрлар ушбу муваффақиятли йўлда давом этишга ва шу билан бирга ўзидаги ислоҳотларни давом эттиришга ундайди.