Ўзбекистон Давлат санъат музейи

Музей экспозициясидан Ўзбекистоннинг антик ва ўрта аср санъатига оид меъморий безаклар, кашталар, гиламлар, матолар, заргарлик санъати намуналари ва бошқалар жой олган. Тасвирий санъат экспозицияси миллий график тасвирий санъат ривожининг бир асрдан ортиқ тарихга эга шаклланиши ҳамда ривожланишининг машаққатли ва бетакрор йўлини кўрсатиб берган. Бу ерда И.Казаков, И.Каразин, Р.Зоммер, С.Юдин, Л.Бурэ, А. Николаев, А.Волков, Н. Карахан, У.Тансиқбоев, А.Абдуллаев, Р.Ахмедов, Ч.Ахмаров, Р.Чориев, Д.Умарбеков, Б.Джалалов ва бошқаларнинг асарларини кўришимиз мумкин. Ҳорижий Шарқ санъати Хитой, Ҳиндистон, Япония, Жанубий Корея ва Эрон мамлакатлари санъат асарлари асосида намойиш этилган. Бу ерда бронза, чинни, фил суяги, ёғоч ўймакорлиги, мусиқа чолғу асбоблари, гиламлар ва бошқа буюмлар коллекцияси намойиш этилмоқда.