Тошкент Давлат мусиқали комедия театри

Оперетта театри 1972 йилда ташкил топган. Илк бора театр пардаси 1973 йил август ойида Штрауснинг "Весёлая война" спектакли билан очилган. Бугунги кунга қадар театрда 250дан ортиқ спектакллар саҳналаштирилган. Мазкур театрда 3 йўналишда спектакллар саҳналаштирилади. Булар: жанр классикаси, замонавий репертуар ва болалар мусиқали эртаклари. Ҳозирга қадар театрда Штрауснинг "Летучая мышь", "Король вальса", "Цыганский барон", Калманнинг "Мариц", "Сильва", "Баядера", "Голландочка", "Фиалка Монмартра", Легаронинг "Весёлая вдова", "Граф Люксембург" каби асарлари саҳна юзини кўрди. Бош режиссёр — Ўзбекистонда хизмат кўрсатган артист В.Баграмов. Бош дирижёр — Ўзбекистонда хизмат кўрсатган санъат арбоби Б.Расулов. Бош рассом — Ўзбекистонда хизмат кўрсатган маданият ходими А.Ботиқов. Либослар бўйича рассом — Л.Магдиева.