alt alt    alt

 
КИРИШ/РЎЙХАТДАН ЎТИШ
00:00
Now playing
Выберите радиостанцию
Янгиликлар

Рио шарҳи: спорт янгиликлари III Қисм

БОКС
 
Олимпиаданинг бокс баҳсларида 56 килограммгача бўлган вазтоифастда ҳамюртимиз Муроджон Аҳмадалиев чорак финал баҳсида аргентиналик Алберто Мелианга қарши жанг олиб борди.

Ҳамюртимиз беллашувнинг биринчи раундидаёқ рақибини нокаутга учратган ҳолда кейинги босқичга йўл олди. Энди ҳамюртимиз бронза медални нақд қилган ҳолда, олтин медал учун кураш олиб боради. Унинг яримфиналдаги рақиби кубалик тажрибали боксчи Робейси Рамирес.

alt
***

Олимпиада дастуридан ўрин олган бокс баҳсларининг 64 килограммгача бўлган вазн тоифасида иштирок этаётган ҳамюртимиз Фазлиддин Ғойибназаров ярим финал босқичи учун ўтказилган жангда АҚШ вакили Гарри Расселга қарши рингга кўтарилди. Қизғин курашларга бой кечган ушбу жангда вакилимиз рақиби устидан 2:1 ҳисобида ғалабани қўлга киритди. Энди ҳамюртимиз кейинги жанггини россиялик Виталий Дунайцевга қарши ўтказади.

alt

***

Турнирда анча ишончли иштирок этиб, кўпчиликнинг диққатини ўзига қаратган Шаҳрам Ғиёсов (-69 кг.) финал учун беллашувда марокашлик Муҳаммад Раби билан куч синашди. Кескин ва муросасиз кечган баҳсда боксчимиз амалдаги жаҳон чемпионини ҳар уччалар раундда ҳам мағлуб этишнинг уддасидан чиқди ва боксчиларимиз орасида иккинчи бўлиб финалга йўл олди.

***

Вакилларимиз орасида биринчи бўлиб рингга кўтарилган Шаҳобиддин Зоировнинг нимчорак финалда америкалик Антонио Варгас билан куч синашиб, ҳар уччала раундда ҳам ғалаба қозонди ва чорак финалга йўл олди.

alt

 

ГИМНАСТИКА

Олимпиаданинг таяниб сакраш баҳсларида финал босқичи ғолиблари аниқланди.
Унда иштирок этган вакиламиз Оксана Чусовитина 14,833 балл билан 8 иштирокчи орасида 7 ўринни эгаллади.

alt

 

ЕНГИЛ АТЛЕТИКА

Олимпиаданинг енгил атлетика бўйича 200 метрга югуриш баҳсларида вакиламиз Нигина Шарипова ҳам иштирокини бошлади. Саралашнинг олтинчи гуруҳида маррага олтинчи бўлиб етиб келган ҳамюртимиз шу босқичда иштирокини якунлашга мажбур бўлди.

alt

***


Олимпиада баҳсларида енгил атлетика бўйича уч ҳатлаб сакраш йўналишида иштирок этаётган ҳамюртимиз Руслан Қурбонов ўз иштирокини илк босқичданоқ якунлади. Саралашнинг «Б» гуруҳидан ўрин олган вакилимизнинг ҳеч бир уриниши инобатга олинмади ва у сўнгги ўринлардан бирини банд этди.

alt

***


Олимпиаданинг енгил атлетика дастуридан ўрин олган 400 метрга тўсиқлар оша югуриш баҳсларининг илк раунди ниҳоясига етди. Бешинчи гуруҳ вакилалари орасида саккизинчи йўлакдан стартга чиққан ҳамюртимиз Наталья Асанова маррага 1:02.37 вақт билан саккизинчи бўлиб етиб келди ва  ўз иштирокини тўхтатди.

alt

***


Олимпиаданинг енгил атлетика дастуридан ўрин олган узунликка сакраш баҳсларининг саралаш раунди ниҳоясига етди. Мусобақанинг «А» гуруҳи вакилалари орасида иштирок этганҳамюртимиз Юлия Тарасова 6,16 метр узунликка сакраб 29 ўринни эгаллади, аммо бу унинг кейинги босқичга йўл олиши учун етарли бўлмади.  

alt

 

ЮНОН РИМ КУРАШИ


Олимпиаданинг юнон-рум кураши бўйича 130 килограммгача бўлган вазн тоифасида иштирок этаётган ҳамюртимиз Мўнимжон Абдуллаев илк беллашувдаёқ мағлуб бўлди. Россия вакили Сергей Семёновга қарши гиламга кўтарилган ҳамюртимиз рақибига 0:3 ҳисобида имкониятни бой берди.

alt

Рустам Ассакалов яримфиналга йўлланмани бой берди. У чоракфиналда венгриялик рақиби Виктор Лёринцга 1:2 ҳисобида мағлуб бўлди. 

alt


АКАДЕМИК ЭШКАК ЭШИШ


Олимпиаданинг байдаркада эшкак эшиш бўйича «B» финали доирасидан ўрин олган баҳслар ҳам ўз ниҳоясига етди.
Унда ҳамюртимиз Алексей Мочалов ҳам иштирок этди. Биринчи йўлакдан стартга чиққан спортчимиз 3:34:807 дақиқа вақт билан маррани тўртинчи бўлиб кэсиб ўтди ва у умумий рейтингда ўн иккинчи ўринни эгаллади.

alt

***


Олимпиаданинг байдаркада эшкак эшиш бўйича спринт йўналишида ўтказилган баҳсларда ҳамюртимиз Ольга Умаралиева ҳам иштирок этмоқда. Тўртинчи гуруҳ аъзолари орасида биринчи йўлакдан старт олган ҳамюртимиз маррага еттинчи бўлиб етиб келди ва курашни тўхтатди.

alt

***


Олимпиада дастуридан ўрин олган 1000 мертга каноэда эшкак эшиш баҳслари ниҳоясига етди.
“А” финалида биринчи йўлакдан стартга чиққан вакилимиз Герасим Кочнев 4:04:205 вақт билан маррага  еттинчи бўлиб етиб келди.

alt

 

СУЗИШ


Рио-де-Жанерода ўтказилаётган олимпиада баҳсларида сузиш бўйича 100 метрга баттерфлай усулида сузиш мусобақасининг финал баҳсларида ғолиблар аниқланди. Ушбу баҳсларнинг асосий фаворити сифатида тилга олинган 22 карра олимпиада чемпиони, америкалик Майкл Фелпс чемпионликни қўлдан бой берди.
Ушбу беллашувда сингапурлик Жосеф Исаак Шулинг 50,39 сониялик натижа энг яхши кўрсаткични қайд этди ва олтин медальни қўлга киритди. Учинчи ўринни эса венгриялик Ласло Чех эгаллади.

alt

 

ТЕННИС 


Британиялик Энди Маррей Лондонда бошланган зафарли одимларини Рио Олимпиадасида ҳам давом эттирди. Моҳир теннисчининг Олимпия ўйинларининг финал учрашувида аргентиналик Хуан Мартин дель Потро билан рақобатлашди. Тўрт соату икки дақиқа давом этган учрашувда Олимпия ўйинларининг амалдаги чемпиони рақибини 7:5, 4:6, 6:2, 7:5 ҳисобида доғда қолдирди ва иккинчи бор шоҳсупанинг энг юқори поғонасига кўтарилди.

***


Машҳур теннисчи Рафаэль Надаль ҳамюрти Марк Лопес билан Испания терма жамоаси ҳисобига яна бир олтин медални тақдим этди. Испаниялик теннисчилар жуфтликлар ўртасидаги финал беллашувида руминиялик Флорин Мерга ва Хорм Тецэу билан куч синашди. Икки ярим соатга чқин давом этган кескин ва муросасиз учрашувда испаниялик ракетка усталари рақиблари устидан 6:2, 3:6, 6:4 ҳисобида зафар қучди. 

 

РИО-2016даги ТРАГЕДИЯ


Рио кўчаларининг бирида германиялик мураббийлар Стефан Хенце ва Кристиан Кёдинг Олимпия шаҳарчасига кетаётган такси даҳшатли аварияга учради. 35 ёшли собиқ спортчи, олимпия ўйинлари совриндори ва Германия каноэчилари мураббийи сифатида Риога келган Стефан Хенце ўта оғир жароҳат олди. Дарҳол яқин госпиталлардан бирида мураббий бошидан операция қилинди.  Аммо кейинчалик у шифохонада вафот этди. 
 

***


Умумжамоа ҳисобида АҚШ терма жамоаси биринчиликни ушлаб турибди.  Америкаликлар қўлга киритган 69 медалнинг 26таси олтин, 21таси кумуш  ва 22таси бронза. Иккинчи ўринда Буюкбритания ва учинчи ўринда Хитой. 
Бизнинг терма жамоа ҳозирча 26 ўринни эгаллаб турибди.

alt

***


Биз спортчиларимизни қўллаб қувватлашда давом этамиз. 
Бугун бизни Шаҳрам Ғиёсов ва Шаҳобиддин Зоиров жанглари кутиб турибди.

 

Ахборот ҳамкоримиз sports.uz

 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.
Нашр санаси: 16-08-2016

ИЗОҲЛАР 0

Авторизация Изоҳ қўшиш учун авторизация қилинг