Саёҳат
Yurtimiz shaharlari dunyo sayyohlarini o'ziga jalb qilmoqda
00:00
Now playing
Выберите радиостанцию
Саёҳат
Ақл бовар қилмас табиат мўъжизалари
Чжанъе Данься боғи, Хитой
Турфа рангларни ўзида мужассам этган мазкур тепаликлар табиат мўъжизаси ҳисобланади. Ундаги ёрқин бўёқлар табиий минераллар шарофати билан ҳосил бўлган. Яқин давргача мазкур жойларга унчалик ҳам аҳамият берилмас эди, лекин маскан дунёнинг энг ҳайратланарли гўшалари қаторидан жой олгач маҳаллий ҳукумат унинг инфраструктурасини кенгайтиришга бел боғлаган.
Уюни шўрхоки, Боливия
Булутларда сайр қилишни хоҳлайсизми? Унда Боливияга отланинг. Боливиядаги қуриб қолган Уюни шўр кўли сизга шундай имкониятни тақдим этади. Боливияда ёмғирлар мавсуми бошланиши билан Уюни саёз сув билан қопланади ва сувдаги булут акси ажойиб манзара кашф этади.
Скафтафетль боғидаги музли ғор, Исландия
Юқоридаги сурат махсус декорацияга ўхшаб кетсада, аслида бу ёмғир, паст ҳаво ҳарорати ва шамол триосининг кашф этган гўзаллиги. Исландиядаги бу ажойиб ғор жуда ҳам нозик бўлиб, ҳар қандай лаҳзада қулаб тушиши мумкин.
Беш рангли орол, Хитой
Хитойдаги беш рангли кўл Цзючжайгоу миллий боғидаги кўплаб сув омборлардан бири ҳисобланади. Айниқса куз ойларида бу кўл ўзгача тароват кашф этади.
Дарвоза кратери, Туркманистон
Ерда жаҳаннам борлигига ишонасизми? Туркманистондаги Дарвоза кратери кўринишидан дўзах қандай бўлиши мумкинлигини намоён қилаётганга ўхшайди. Бу ерни сайёҳлар айнан "Дўзах эшиги" деб атайдилар. 1970 йилларда олимлар газ билан тўлган ерости ғорига дуч келадилар ва уни ёқиб юборишга қарор қиладилар. Уларнинг ҳисобига кўра бу ердаг газ заҳираси бир неча кун давомиа ёниб битиши керак эди, лекин олимлар адашган кўринади. Чунки мазкур кратерга бугунга қадар ўчгани йўқ.
Къерагболтен тоши, Норвегия
Къерагболтен – ҳеч бўрттиришларсиз дунёдаги энг хавфли тош ҳисобланади. Норвегияга ташриф буюрган ҳар бир сайёҳ мазкур тош устида суратга тушишни ўз бурчи деб ҳисоблайди. Мазукр тош 984 метр баландликда икки қоя ўртасида жойлашган бўлиб, у ҳар қандай лаҳзада тушиб кетиш эҳтимоли бор. Лекин бу сайёҳларни тўхтатиб қололмаяпти.
Рорайма тоғи, Жанубий Америка
Рорайма тоғи Венесуэлада жойлашган бўлиб, булутлар билан ўралган.
Вайтомо ғорлари, Янги Зеландия
Яна бир табиат мўжизаси Янги Зеландияда жойлашган. Ғорнинг ички тарафи минглаб ялтироқ ҳашаротлар билан қопланган бўлиб, айниқса тунда ақл бовар қилмас гўзаллик касб этади.
Драцена Дарахтлари, Йемен
Сокотра ороли ўзининг ғайриоддий флораси билан машҳур. Бу ерда бошқа ҳеч қаерда учрамайдиган Драцена дарахтлари ўсади.
Чанд Баори, Ҳиндистон
Чанд Баори Ҳиндистондаги қадимий зинали қудуқ бўлиб, 3500 тор зиналардан иборат. Унинг тубида одам учун заҳарли сув бўлиб, бу сайёҳларни ушлаб қололмайди.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
07-04-2018
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0