Саёҳат
Yurtimiz shaharlari dunyo sayyohlarini o'ziga jalb qilmoqda
00:00
Now playing
Выберите радиостанцию
Саёҳат
Дунёнинг 10та энг катта меҳмонхоналари
Меҳмонхоналар фақатгина ҳориган сайёҳлар учун бошпана бўлган вақтлар ўтиб кетди. Энди улар меҳмонлар бир неча кун ташқи дунёга чиқиш заруратисиз вақт ўтказадиган кичик бир дунёга айландилар. Мажмуада қолиб, дунёнинг энг яхши таомлари, спа-салонлари бўлган кўнгилочар ҳудуд ва дўконлари бор меҳмонхонанинг ички ҳаётидан ҳузур олиб яшаш мумкин.
Бу эса ҳар бирига албатта ташриф буюришга лойиқ бўлган энг катта меҳмонхоналар рўйхати:
10) Excalibur Hotel and Casino
3850 Las Vegas Boulevard South, Лас-Вегас Стрип, Лас-Вегас, АҚШ
Лас-Вегасда жойлашган меҳмонхона 28 қаватга бўй чўзган икки минорадан иборат мажмуани ўз ичига олади. Бу ерда казино умумий майдони 9300квадрат метрли ва 1700 ўйин автоматлари жойлашган бир неча залдан иборат. Excalibur Hotel and Casino 1990 йилда очилган бўлиб, меҳмонлар унинг 4008та номеридан бир ида тўхташлари мумкин.
9) Ambassador City Jomtien
21/10 Sukhumvit Road, K.M. 155 | Na Jomtien, Саттахип 20250, Таиланд
Меҳмонхона 40 акр жойни эгаллаган 5 иморатдаги 8та ресторан, бир қанча барлар, тунги клублар, баҳайбат конференц-залдан иборат мажмуани ўз ичига логан. Шунингдек у Осиёдаги энг катта бассейнли фитнес-маркази билан ҳам мақтанса арзийди. Бу ерда меҳмонлар 4219та номерларнинг бирида жойлашишлари мумкин.
8) THE hotel at Mandalay Bay
3950 Las Vegas Blvd South, Las Vegas, NV 89119 (Paradise)
Меҳмонхона ғайритабиий номидан ташқари Лас-Вегасда жойлашган 43 қаватли монументал биноси билан мақтовга сазовор. Бу ерда асосан казинода ўйнаш учун келган одамлар жойлашадилар, уларга стандарт номерлардан ташқари пентхаус, президент кошонаси ёки шунчаки катта кошоналарни ҳам таклиф этадилар. ҳаммаси бўлиб 4332та номери бор. THE hotelatMandalayBay айниқса ўз меҳмонлари овқатланишлари мумкин бўлган ресторани билан ғурурланади. 2003 йилда очилган меҳмонхонани MGM Resorts International бошқаради.
7) Luxor Las Vegas
3900 Las Vegas Blvd S, Las Vegas, NV 89119
Лас-Вегаснинг навбатдаги меҳмонхонаси кираверишининг ёритилиши ва кечалари осмонга нур сочадиган дунёдаги энг кучли прожектори билан ғурурланади. Бу ерда 4408 номер, 1860 квадрат метр жойда эса 4та бассейн, тўй маросимлари ўтказиш учун кичик ибодатхона, SPA салон, 29та дўкон ва яна кўплаб қизиқарли нарсалар бор.
6) Wynn Las Vegas & Encore Las Vegas
3121 Las Vegas Blvd. South, Лас-Вегас 89109 (Paradise)
Аслида бу бир-бирига жуда ўхшаш эгизаклардай бир-бирига қарама қарши жойлашган икки меҳмонхона: WynnLasVegas ва EncoreLasVegas. 4734 та номеридан ташқари меҳмонхона кўп сонли ресторанлари, барлари, SPA салонлари ва мазмундор тунлари билан ғурурланиши мумкин. WynnLasVegas&EncoreLasVegas, Американинг бошқа беш юлдузли меҳмонхоналарига қараганда кўпроқ Forbes журнали мукофотларига сазовор бўлган.
5) Disney’s All-Star Resort
1901 W Buena Vista Dr, Lake Buena Vista, FL, 32830 АҚШ 499 272 2042
Орландода жойлашган бу меҳмонхона 5224та номерларидан бирида тўхташ мумкин бўлган 30тауч қаватли бинолардан иборат мажмуа. Disney’sAll-StarResortнинг ҳар бир биноси ўз мавзули йўналишига эга бўлиб, ҳали Диснейлендга етиб бормасингизданоқ ўзингизни эртакдагидай ҳис қилишингизга имкон беради.
4) First World Hotel
Genting Highlands Resort, Гентинг Хайхлэндс, Гентинк тоғлари, Малайзия 69000
Катталиги бўйича тўртинчи ўриндаги меҳмонхона Малайзияда жойлашган бўлиб, 4 қаватли бинолар билан ўралган 24 қаватли икки минорадан иборат. Бу ерда ҳаммаси бўлиб 6118та номер ва апартаментлар, шунингдек кўплаб ресторан ва барлар, ҳамда мавзули кўнгил очиш боғи бор. Меҳмонхонани First World Hotel and Resorts SendirianBerhad бошқаради.
3) MGM Grand Las Vegas
3799 Las Vegas Blvd S, Las Vegas, NV 89109
1993 йилда очилган MGM Grand меҳмонхонаси ўз вақтида дунён нг энг катта меҳмонхонаси бўлган. Унинг 5та очиқ бассейни, шаршаралари, дарёси, бир неча тунги клублари, 19та ресторани ва Кларк округидаги энг катта казиноси бор. Бу ерда ҳаммаси бўлиб 6852та номер бор, шунингдек меҳмонхона Голливуднинг бир неча фильмларида суратга олинган.
2) Гостиница Измайлово
105613, Москва, Измайловское шоссе., 71 уй,корп.4 Г-Д
Бу рейтингда Россия шарафини 30 қаватли 4та бинодан иборат Измайлово меҳмонхонаси ҳимоя қилади. Меҳмонлар 7500та номер ёки апартаментлардан бирида тўхташлари мумкин. Шунингдек. ресторан, кафе, барлар меҳмонлар хизматида. Меҳмонхонага катта боғ ёндашган.
1 ) Mecca Clock Tower
Oum Al Qura St., King Abdul Aziz Endowment Abraj Al Bait Complex, 24231 21955, Саудия Арабистони
Маккадаги AbrajAl-BaitTowers номи билан ҳам танилган MeccaClockTower дунёнинг энг катта меҳмонхонаси ҳисобланади. У Маккага келган зиёратчилар ўртасида ҳам, сайёҳ ва тадбиркорлар ўртасида ҳам бирдек машҳур. Шунингдек, MeccaClockTower циферблатлари дунёда энг катта майдонни эгаллаган соатли дунёдаги энг баланд минорага эга. Меҳмонхона 8000 номер ва апартаментли уч минорадан иборат.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
18-07-2014
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0