La Sposa: Ўзбекистонда 10 йил!

Юлдуз Мавлонова, La Sposa асосчиси:

Илк бошда бу ерда ҳаммаси бошқача эди. Бизнинг йўлимиз айнан шу манзилда бошланган бўлиб, йиллар давомида уни яхшилаб бордик. 14 дона либос билан ишни бошлаган бўлсак, кейинчалик ассортиментни бойитиб бордик. 

Салон очилган вақтда мен 24 ёшда эдима, ва ёшлигим сабабли кўпчилик бу ишда янгилигимни билдириб қўйишга ҳаракат қиларди. Лекин меҳнатим, ота-онам ишончи ва яқинларим кўмаги билан аста-секин ривожландик. 

Юлдуз Мавлонова:

Салон очишимга тақдир тақазоси туртки бўлди. Мен ўз дидимга мос келинлик либоси топа олмадим ва хориждан харид қилишга тўғри келди. Турмушга чиққанимдан кейин бир йил ўтиб, бирор иш билан машғул бўлгим келди. Тўй либослари каталоглари ва журналларини томоша қилиб, кўзларим чақнади ва мен айнан шу иш билан шуғулланишни истаётганимни англаб етдим. Шундай қилиб, бир кечанинг ўзида бизнес-режамни ёзиб тугатдим ва уни яқинларимга кўрсатдим. Менинг ғоямни ҳамма қўллаб-қувватлади. 

Асал Шодиева, актриса:

Йил сайин Юлдуз ва унинг севимли иши учун қилаётган ҳаракатларини кузатиб келяпман.Унга қараганимда ҳар сафар тиришқоқлигига ҳавас қиламан,Ўзбекистонда унга ўхшаш аёллар кўпроқ бўлишини истайман. Ўйлайманки, бугун бу ерда Юлдузни ва унинг меҳнат фаолиятини чин дилдан қўллаб-қувватлайдиган инсонлар тўпланган.

Юлдуз Мавлонова, La Sposa асосчиси:

Биз мижозларимиз бўлмиш ёш келинчаклар табаларига мос келин либослари тўпламини яратдик. Муҳташам келинлик либослари бизда жуда талабгир, хорижда эса бундай моделлар жуда қиммат туради. Шу туфайли бу каби гўзал либосларни ўзимизда, ҳамёнбоп нархларда тикиш ғояси туғилди. 

Лола, хонанда:

Биринчи навбатда Юлдуз ва La Sposa салонини мазкур сана билан табрикламоқчиман! 10 йил – жуда ҳам гўзал бўлган катта йўл. Бу йиллар давомида у салонга ўзини бағишлаб, уни ҳудди фарзанди мисоли ривожлантирди. Юлдуз билан талабалик давридан дўстлигимиз учун фаҳрланаман. Уша вақтлардаёқ унинг тиришқоқлиги сезиларди. Мазкур тантанада иштирок этиб, Юлдуз учун фаҳр туйғусини ҳис қилмоқдаман! 

Дилноза Шамсутдинова, Sugar Plum дўкони асосчиси:

2014 йилда La Sposa салонидан шахсан ўзимнинг никоҳ оқшомим учун либос олганман. Либос ҳудди ҳохирги кундаги келин кўйлаклар сингари муҳташам эди. Улар нозик дид билан тикилганлиги ҳамда европалашган усбули билан ажралиб туради. My signature bride янги тўпламида намоён бўлган Юлдузнинг маҳоратини ҳам таъкидлаш даркор!

Шахзода Муҳаммедова, актриса, телебошловчи:

Юлдуз билан узоқ вақтдан бери дўстмиз ва бугун бундай ажойиб байрамда иштирок этиб турганимдан хурсандман. Бугун тақдим этилган My signature bride тўплами менга жуда ҳам ёқди.