«Аладдин» ижодий студияси концертидан

11 сентябр куни Алишер Навоий кино саройида «Аладдин» ижодий студиясининг ташкил этилганига 25 йил тўлганлиги муносабати билан «Оловуддин ва унинг дўстлари» номли концерт дастури бўлиб ўтди.

Шуни айтиш жоизки, ҳозирда «Аладдин» ижодий студиясида 4 ёшдан 20 ёшгача бўлган юздан ортиқ ўқувчилар таҳсил оладилар.

Концертда бошловчилик вазифаси Камилла тахаллуси остида ҳаммага яхши таниш Алена Акиева ва Comedy.uz резидентлари бўлмиш Хасан Ва Хусан триоаси вакили Аъзамат Жалоловлар зиммасига юклатилди. Алена Акиева ҳам мазкур ижодий гуруҳ тарбияланувчисидир.

Концерт давомида ижодий студиянинг энг кичкинтой вакилларидан тортиб, энг катталари иштирок этишди. Улар омма қалбини забт этиб улгарган хитлар билан бир қаторда батамом янги композицияларни куйлашди.

Дастурда «Главная сцена» лойиҳаси ғолиби Сардор Милано, «Новая волна-2012» танлови биринчи ўрин соҳибаси Niloo таҳаллуси остида ижод қилувчи Нилуфар ва Жанубий Кореяда 2013 йилда мусиқий танловда ғолиб бўлиб, Гран-при совриндорлари бўлган студия вакилларининг ютуқлари акс этган видеолавҳалар намойиш этилиб, «Аладдин» ижодий студияси битирувчилари ёдга олинди.  

Шунингдек, экран орқали турли мамлакатларда бўлган ижодий студия вакиллари ўз видео табрикларини йўллашди.

Таниқли эстрада вакилларидан Ўзбекистон Халқ артисти Мансур Тошматов,

хонанда Саида,

Самандар Хамрақулов,

Лола Йўлдошевалар ўз чиқишлари билан барчани шод айлашди.

Эстрада хонандалари билан бир қаторда ёш умидли истеъдод эгалари ҳам ўз маҳоратларини ёрқин рақс ва қўшиқлар орқали намойиш этдилар.

Comedy.uz резидентларидан эса кулгули саҳна кўринишлари ҳам бўлиб ўтди.

Ташриф буюрган томошабинлар улкан завқ ва хурсандчилик кайфиятига эга бўлган ҳолда концертни тарк этишди десак муболаға бўлмайди.

«Аладдин» ижодий студиясининг концерт дастуридан тўлиқ фотоҳисоботни бу ерда кўринг. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.