ТОШКЕНТНИНГ БАРЧА ВАҚТИЧОҒЛИКЛАРИ

alt alt    alt

 
КИРИШ/РЎЙХАТДАН ЎТИШ
Концертлар ва шоу

Алишер Файзнинг “Сен борсанки” концерт дастуридан махсус репортаж!










alt
 
«Истиқлол» санъат саройида 17, 18, 19, 20 май кунлари хонанда Алишер Файзнинг “Сен борсанки” яккахон концерт дастури бўлиб ўтди. Алишер Файз бежизга онахонларнинг севимли хонандаси деб тан олинмаган чоғи, концертдаги томошабинларнинг жуда кўпчилик қисмини онахонлар ташкил қилдилар.
 
alt
 
Концерт дастури Ватан ҳақидаги қўшиқ билан бошланди.
 
alt
 
Қўшиқлардан энг таъсирлиси “Илтижо” қўшиғи бўлиб, Алишер мазкур қўшиқни куйлаганида саҳнадаги мониторда онасининг суратлари айланди, буни кўриб кўплаб оналар дуо қилишди, йиғлашди ва Алишернинг ўзини ҳам кўзлари ёшланди. Концертга унинг онаси Раъно опа ҳам томошабин сифатида келган эди. 
 
alt
 
Концерт кунлари  давомида Алишер Файзни қутлаш учун, устози Ўзбекистон Халқ артисти Озодбек Назарбеков, шунингдек, хонандалар Достон Убайдуллаев, Ботир Қодиров, Абдурашид Йўлдошев, Даврон Аҳмедов ва камина ташриф буюрдик. Алишер Файзнинг укаси ёш хонанда Хуршид Турдиев ҳам концерт кунлари, акасининг ёнида бўлди. Хонандага саҳна ортида Даврон Аҳмедов тўн кийдирди.
 
alt
 
Хонанданинг концерт кунлари шогирдлари ҳам саҳнада қўшиқ куйлаш имкониятига эга бўлишди: Фазлиддин Раҳмонов ва Ёқуб Аҳмедов...

alt

Хонанданинг ҳар бир қўшиғига алоҳида саҳна кўринишлари ва чиройли рақслар саҳналаштирилган. Ҳаттоки, ҳинд миллий рақслари ҳам бўлди. Концертда янги қўшиқлари билан бирга севимли қўшиқлар ҳам куйланди.  “Аёл”, “Индамадим”, “Андижондан келиб”, “Армон”, “Зуҳрахоннинг рўмоли” ва ҳоказо...

alt

Қўшиқлардан бирига саҳналаштирилган саҳна кўриниши раққоса Паризода билан боғлиқ эди. Қўшиқ вақтида раққоса, гўёки саҳнага чиқишни “истамади”. Шунда Алишер Файз унинг ўрнига рақсга “тушиб берди”. Шундан сўнг, раққосалар Паризодани олиб чиқишди ва “жонланиб” рақсга тушди.

alt

Концерт дастурида қўшиқлардан бирига ёш қизалоқлар ҳам ўзига хос саҳна кўринишида иштирок этишди. 

alt

Сўз усталари Ботир Имомхўжаев ва Маъмурбек Холмедовлар фаррошлар қиёфасида чиқиб, ўзларининг янги номерлари билан томошабинларнинг кайфиятларини янада кўтардилар.

alt

Хонанданинг саҳна либосларига келсак, 3 марта либос алмаштирди, саҳна либосларидан бири тўн, устози Озодбек Назарбековга тақлид бўлиб қолгандек, назаримда. Чунки, Озодбек Назарбеков ҳам концерт кунларида, саҳна либосларидан шунга ўхшаш тўн эди. 

alt

Концерт давомида хонандага кўплаб гуллар, тўнлар, совғалар тақдим қилинди, сурати туширилган гилам, рамкадаги суратлари ва ҳоказо...

alt

Концертда хонанданинг Фан клуби ҳам хонанда Райхоннинг концертидаги фан клуб аъзолари каби келиб, Алишер Файзнинг номи ёзилган катта ҳарфларни кўтариб туришди ва хонандани қўллаб-қувватлашди. 

alt
 
 
Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.
Нашр санаси: 23-05-2013

ИЗОҲЛАР 4

Olima Sattorova 24 май #
Oldingi yilgi konsert bu yilgisidan yaxwi bulgan edi
Orzu Azimova 24 май #
Molode4 Alisher Fayz manga konsert juda yoqdi))
Salima 23 май #
Konsert manga juda yoqdi)))
Aziza Sultanova 23 май #
DAxshat))))super barkala Alisher Fayz!
Авторизация Изоҳ қўшиш учун авторизация қилинг