Андреа Бочеллининг концерти

8 июнь куни «Истиқлол» санъат саройида италиялик машҳур қўшиқчи, классик ва замонавий мусиқа ижрочиси Андреа Бочеллининг концерт дастури бўлиб ўтди. Биз нималарга гувох бўлдик, нималарни эшитдик, қандай таассурот ва хотиралар мухрланиб қолди – буларнинг баъри билан бизнинг шарҳимизда танишинг.

Тошкент ахли бу концертни интиқлик билан кутишди десак ҳеч ҳам адашмаган бўламиз. Залда ортиғидан ҳам кўпроқ мухлислар йиғилган эди. «Майин» овоз соҳиби Бочеллининг мухлислари тенги йўқ таассуротлар остида қолишди.

Андреа Бочелли:

«Мусиқа – бизнинг доимий ҳамроҳимиз. Тингловчиларнинг муҳаббатини қозонган, барча мусиқий асар классик дурдонага айланади».

Концерт дастурининг илк дақиқаларида, ташриф буюрганлар эътиборини Carisma гуруҳи гитарачиларининг дуэти забд этди. Ундан сўнг, саҳнани бошқариш дирижёр Carlo Berniniга топширилди. Ушбу кечада дирижёр Ўзбекистон Милиий симфоник оркестри ва Ўзбекистон Миллий хорини бошқарди. Жорж Бизенинг «Кармен» номли операсидан мусиқа янграй бошлади. 

Исмоил Джалилов, Ўзбекистон Халқ артисти:

«Маэстро билан учрашув кутилгандан ҳам аъло бўлди. У ҳар бир арияни ўзгача тарзда куйлайди, ҳеч бир жойда овоз тони ўзгармайди. Мен илк бор Андреа Бочеллини Лучано Павароти билан бирга куйлаганда эслаб қолган эдим ва ўша вақтдан бошлаб бу дунё юлдузининг ижодини кузатиб келаман. Бугун мен унинг ижросидаги севимли «La donna e mobile» қўшиғимни эшитишга ошиқяпман.

Андреа Бочелли ўз чиқишини Джузеппе Вердининг «Риголетто» операсидаги герцогнинг кўшиғи билан бошлади. Саҳнада рўй бераётган ҳодисалар катта экранда намоён бўлди ва ҳар бир ташриф буюрган меҳмон, саҳнадан жуда узоқда ўтирган бўлса ҳам, Бочеллининг ҳар бир ҳиссиётини кўришга муваффақ бўлди.

Концертнинг биринчи қисмидан, ҳалқаро мусиқа маданиятининг дурдоналари ўрин эгаллаган эди. Верди, Бизе, Массне, Пуччини, Джорданоларнинг асарлари янгради.Сопрано овоз соҳиби Мария Алейда, Оффенбахнинг машхур La Bamola.сини ижро этди. Италиялик меҳмон билан дуэт чоғида Вердининг «Риголетто» операсидан бир парча янгради ва меҳмонларнинг завқли ҳайқириқлари Бочелли ва Алейдани вальсига сабаб бўлди.

Бошқа мусиқий чиқишларни қизиқарли қилиб бойитиб беришда, профессионал рақс усталари Георгий ва Анастасия Третьяковаларнинг рақси катта роль ўйнади.

Иккинчи бўлим 20 асрнинг хит кўшиқларидан иборат бўлди. Леонард Бернстайн, Агустин Лар, Карл Дженкинс, Ирвинг Берлин, Франческо Сартори ва бошқаларнинг мусиқалари ижро этилди. 

Энг ёрқин чиқишлардан бири – яна бир Италия опера ва эстрада юлдузи Алессандро Сафиннинг саҳнага чиқиши бўлди. Икки тенор овоз сохиблари «O sole mio» таронасини ижро этганлари кечанинг энг эсда қоларли онларидан бири бўлди.

Бундан кейин эса тингловчиларни Илария Дела Бидиа ижросидаги кўшиқлар ва скрикачи Анастасия Петришакнинг яккахон чиқиши кутаётган эди.

Фаррух Зокиров, Ўзбекистон Халқ Артисти:​

«Бугун бизда бахтиёрлик ва хурсандчилик туйғулари тўлиб тошмоқда. Бугунги байрам ташкилотчиларга катта рахмат айтаман. Бир неча бор менинг болаларим, танишларим Андреа Бочеллининг бошқа давлатлардаги концерт дастурини томоша қилишмоқчи бўлган, аммо ҳеч иложи бўлмаган ва қаранки биз бугун Бочеллини ўзимизни юртда тинглаб, саҳнамизда кўриб турибмиз! Алоҳида миннаддорчиликни бизнинг мусиқачиларимиз – оркестр, хоримизга билдираман. Бугун улар ҳақиқатдан ҳам аъло даражада ўзларини намойиш этдилар. Дунёнинг энг зўр оркестрлари билан саҳнада ижод қилган Бочеллини, бизнинг оркестр ҳам уялтириб қўймади».

Концерт дастурининг якуний қисми, Андреа Бочелли ва Илария Дела Бидианинг «Can,t help falling in love» дуэт таронаси бўлди.

«Time to Say Goodbye» таронасини эшитиш учун залдан ҳайқириқлар эшитила бошлади. Бу тарона Бочеллининг ташриф қоғозига айланди. Мазкур таронани мэтр барча қанашчилар билан биргаликда ижро этди.

Кеча меҳмонлари:

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.