Беном гуруҳи концертига бориш учун 4 сабаб

Айни дамларда Беном гуруҳининг серқирра ижодкорлари Сарвар ва Комил Истиқлол санъат саройида 15-16 февраль кунлари бўлиб ўтадиган концерт дастурларига қизғин тайёргарлик ишларини олиб бормоқдалар. Куни кеча, 24 январь санасида улар пойтахтимизда жойлашган масканлардан бирида концерт учун махсус видео сюжетларни суратга олиш ишларини олиб боришаётганидан хабар топиб, у ерга ташриф буюрдик ва концерт билан боғлиқ қизиқарли маълумотларга эга бўлдик. 

Сарвар ва Комил шунингдек, концерт режиссёри Жамшид Хожиниёзов концертга албатта бориш керак бўлган бир нечта  сабабларни айтиб ўтишди.

Демак, қуйида съёмка жараёнидан суратлар ва серқирра ижодкорлар Сарвар ва Комилнинг концерт дастурига бориш учун сабаблар билан танишинг.

Биринчи сабаб, бу гуруҳнинг илк яккахон концерт дастури бўлиб, унда Сарвар ва Комил мухлисларини 100% жонли ижролари билан шод этишни олдиларига мақсад қилиб қўйганлар.

Иккинчи сабаб, шунчаки концерт эмас, балки кино-концерт. Концертда экранларда «Бир муҳаббат қиссаси» видео туркуми намойиш этилади. 

Учинчи сабаб, Беном гуруҳининг концертида мухлисларга, қўшиқлар матни берилади ва барчада улар билан биргаликда куйлаш имкони бўлади. Яъни Сарвар ва Комилнинг таъкидлашича караоке концерт бўлади.

Тўртинчи сабаб, албатта дуэтлар ҳам бўлади. Ижодкорларнинг дуэтдошларидан бири Шаҳзода бўлиб, мазкур дуэт учун алоҳида саҳна кўриниши ҳам тайёрланган. Концерт учун махсус олинаётган фильмда эса алоҳида Шаҳзода билан боғлиқ сюжет ҳам бўлади.

Сарвар ва Комил, ҳамда концерт режиссёри Жамшид Хожиниёзовларнинг айтишларича, юқорида санаб ўтилганлардан ташқари, концертда мухлисларни яна кўпгина совғалар кутиб қолади. Дастурдан 20та қўшиқ ўрин эгаллаган бўлиб, шўх ва рақсбоп тароналар учун алоҳида рақслар саҳналаштирилади. Гуруҳнинг, саҳна кўринишлари устида ҳам алоҳида иш олиб борилмоқда. 

Албатта бу концерт дастури ижодкорлар учун мухлислар олдидаги катта имтиҳон. Сарвар ва Комил томонидан барча ўйланган ғоялар қанчалик амалга ошганлигини эса икки кунлик концерт дастурида кўриш мумкин бўлади. 

Биз ўрнида гуруҳга концертда омад тилаб қоламиз.

2017 йил қиш мавсумида кутилаётган концертлар ҳақида батафсил бу ерда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.