Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Comedy.Uz резидентларидан янги концерт дастури
Пойтахтимизнинг шинам масканларининг бирида, яъни “Majeur” ресторанида Comedy.Uzнинг “Ёқса ҳузур, ёқмаса узур” номли янги концерт дастури бўлиб ўтди.
.JPG)
Унда юртимизнинг машҳурлари, актриса, хонандалари ва Comedy.Uzнинг ҳақиқий мухлислари иштирок этди. “Қошмақом”, “Ҳасан ва Ҳусан” учлиги, Ислом Али бошчилигидаги “Фидоий оркестри”, ҳамда “... ва бошқалар” жуфтликлари ўзларининг чиқишлари билан мухлисларни ҳушнуд этдилар.
- Бу сафар иложи борича янги ҳазилларни олиб чиқишга ҳаракат қилдик, - дейди “Ҳасан ва Ҳусан” учлиги аъзоси Даврон Муҳиддинов.
- Бизда асосан, ҳазил-мутойибалар мавсумга қараб ўзгаради, бугунгисида эса қишда учраб турадиган комедик ҳолатларга эътибор қаратамиз. Тўғрисини айтсам, бугунги тақдимотга тайёргарлик жараёни узоқ давом этмади. Қисқа вақт давомида тайёрлашга ҳаракат қилдик. Сабаби устма-уст чиқишлар қилишимизга тўғри келди. Ўйлайманки, бу галги намойишларимиз ҳам ўз томошабинларини топа олади. Барчага аъло кайфият тилайман.
Ушбу тақдимотда йигит қизларнинг “селфи” касаллиги, талабаларнинг сессиядаги қизиқарли ҳолатлари, эр ва хотин муаммолари, хориж ҳамда ўзбек қўшиқларига тавсиф, “Суюнчи” фильмига видеоролик ва бошқа маиший деталлар асосида яратилган ҳазиллар намойиш этилди.
Юлдузлар Comedy.Uz ҳақидаги фикрлари:
Шаҳзода Мухаммедова, дизайнер ва актриса:
“Мана бугун Comedy.Uz резидентларининг янги концерт олди тақдимотининг намойиши бўлиб ўтмоқда. Бундан жуда ҳурсандман. Чунки мен бу ижодкорларнинг ҳар бирини жуда ҳурмат қиламан. Уларнинг ҳазиллари доимо ўз меъёрида, чегарадан чиқмаган ҳолда берилади. Мен ҳар доим уларнинг ижодини кузатиб бораман ва менга жуда ёқади. Шу фурсатдан фойдаланиб жамоаларга омад тилайман ва бунданда зўр ижод маҳсулларини кутиб қоламиз".
Шаҳноза, “Шаҳризода” гуруҳи аъзоси:
.PNG)
"Comedy.Uzнинг муҳлисасиман. Уларнинг фаолияти билан доим танишиб бораман. Ҳар бир санъат ахлининг ўз услуби бўлганидек, Comedy.Uzнинг ҳам ҳеч кимникига ўхшамаган ўз йўналиши бор. Шу услубни сақлаб қолишларини истардим. Доимгидек кайфиятлар аъло даражада. Бу гуруҳнинг бугунги ҳазиллари шахсан манга балки бошқа мухлисларга ҳам ёқди деган умиддаман. Уларга бунданда юксак муваффақиятлар тилаб қоламан".
Comedy.Uzнинг концерт тақдимотидан тўлиқ фотоҳисоботи бу ерда.
Нозима Муяссарова
тайёрлади
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
29-01-2016
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0