Dance Music Fest 2018. Иккинчи кун

 

Оқшомни ўтган йилги фестиваль иштирокчиси Dj Flextra очиб берди.

Ундан сўнг катта саҳнага энди қадам қўйган Dj Vagan ва Alisson&Yolo дуэти билан рақс тушдик.

Улар саҳнани фестивалнинг асосий меҳмонларидан бири – мафтункор Анна Корсунга бўшатиб беришди. MARUV тахаллуси остида ижод қиладиган хонанда ўзининг энг хит композицияси Drunk Groove билан саҳнага чиқди. Шундан сўнг бир неча янги трекларини тақдим этди. 

MARUV: «Мен бу фестивальда нима кутаётганини ҳатто тасаввур ҳам қилмагандим, тўғрисини айтсам ён-атрофимизга разм солишга ҳам улгурмадик, чунки самолётдан тўғри шу фестивалга келдик. Лекин бир нарсани айтишим керак, бу ерда ақл бовар қилмас атмосфера ҳукмронлик қилмоқда».

Меҳмондан сўнг саҳнага ўтган фестивалдан яхши таниш бўлган Mad Stage гуруҳи чиқди. Уларга янги иштирокчи қўшилган бўлиб, эндиликда уч киши бўлиб яхши кайфият улашдилар.

Оқшомнинг кульминацион нуқтаси, албатта иккинчи кун – White Party’нинг «юзи» Mr White’нинг чиқиши бўлди. Бошқа дижейлардан фарқли равишда жаҳон юлдузи олдиндан тайёрлаб қўйилган трек остида саҳнага кўтарилмади. Жимгина саҳнага чиқиб, эстафетани қабул қилиб олди. Фестиваль меҳмонлари уни жуда или кутиб олдилар. У саҳнада ўтказган 40 дақиқа омма бир дақиқа ҳам жим турмади. 

Таъкидлаш жоиз, фестивалнинг иккинчи куни ҳам электрон мусиқа шинавандалари дресс-кодга амал қилган ҳолда, оқ либосларда ташриф буюрдилар. 

Black Party қандай ўтганини бу ерда кўришингиз мумкин.