Хонанда Камилланинг клипи халқаро ELLO каналида

Ўзбек эстрадасига сирли тарзда Камилла таҳаллуси остида кириб келган хонанданинг қўшиқлари ва клипи қисқа вақтда омма ичида машҳурликка эришди. Яқинда ёш ижодкор ўзининг "Иллюзия" ва унинг ўзбекча талқини бўлмиш “Мени севмагандай” деб номланган таронасига ишланган видеоклипини тақдим этганди. “Мени севмагандай” клипини бу ерда кўришингиз мумкин. 
Ҳеч бир шубҳасиз айтиш мумкинки, қўшиқнинг ўзбек тилидагиси ҳам, рус тилидагиси ҳам бирдек  ижтимоий тармоқларда жуда ҳам ижобий фикрларга сабаб бўлди ва ўз тингловчиларини топди.

 
Эндиликда эса айнан шу рус тилидаги “Иллюзия" қўшиғининг 3D форматидаги тўлиқ анимацион клипи 27 декабр куни ELLO халқаро каналида илк марта намойиш этилди. Ушбу каналда жойлаштирилган “Иллюзия" клипини бу ерда томоша қилишингиз мумкин.

ELLO – дунёдаги 50та энг машхур Youtube каналларидан бири. Ушбу канал жаҳон эстрадасининг ёрқин юлдузларининг сифатли клипларини томоша қилишга имкон беради.
Бу албтта ёш, истеъдодли ижодкор учун жуда яхши кўрсаткичдир.
 
Клип «Pomidor entertainment» продюссерлик маркази томонидан тайёрланган. Клипни тайёрлаш жараёни 3 ой давом этган. Клипдаги бош қахрамон Камилланинг ўзидан чизиб олинган.


 Маълумот ўрнида:
"Камилла - ёш, истеъдодли хонанда. Ижодини 4 ёшидан Тошкентдаги "Алладин" эстрада гуруҳидаги илк чиқишларидан бошлаган. 2009 йил фортепиано йўналиши бўйича  мусиқий мактабни аъло баҳолар билан тамомлаб, Эстрада ва Цирк коллежининг "Эстрада вокали" факультетига ўқишга кирган. 2012 йил эса Ўзбекистон санъат ва маданият институтининг талабаси бўлган. 2015 йил  "Pomidor entertainment" продюсерлик маркази билан шартнома имзолаб, бугунги кунда "Камилла" тахаллуси остида ижод қилмоқда".
 
Биз эса ўз ўрнида, ўзининг яккахон ижодини омадли тарзда бошлаган хонандага, келгусида бундан кўпроқ ижодий парвозларга эришишини тилаб қоламиз ва яна сифатли ижод ишларини кутиб қоламиз.