Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Хонанда Манзурадан альбом тақдимоти
Жозибали, хушовоз хонанда Манзура 6 май куни "Discovery" медиа дўконида ўзининг янги альбоми тақдимотини ўтказди. Тақдимотни актриса Феруза Собитова олиб борди.
Ушбу тақдимотга келганлар Манзурудан бараварига 3 та диск тақдим этилиб, сотувга чиқарилганлигини кўриб ҳақиқатда ҳайратландилар. Бу хонанданинг мухлислари учун кутилмаган катта туҳфаси бўлди, десак муболаға бўлмайди.
Биринчи диск, "Ўнгимда кўрай" номини олган қўшиқлар МР3 тўплами эди. Тўпламда мухлислар хонанданинг сўнгги йиллардаги барча қўшиқларини тинглашлари мумкин бўлади. Улар: "Ўнгимда кўрай" 18 та қўшиқ, "Енгиламан" 16 та қўшиқ, "Мажнун ва Лайли" 8 та қўшиқ, "Тушларимга кир" 15 та қўшиқ, "Наҳотки сен" 16 та қўшиқ ва бонус сифатида 6 та қўшиқлар жой олган.
Иккинчи диск, жорий йилнинг феврал ойида хонанданинг 18 йиллик ижод сарҳисоби сифатида тақдим этилган яккахон концерт дастурининг DVD тўплами бўлди. Учинчи диск, Манзуранинг ижод йилларидаги қўшиқларига тасвирга туширилган 32та видеоклиплардан иборат тўплами эди.
Хонанда тақдимот вақтида фурсатдан фойдаланиб, 2015 йилда бўлиб ўтган концерт дастурига тайёргарлик кўриш ишларида унга яқиндан ёрдам берган, уни қўллаб-қувватлаб, далда бўлган барча яқин дўстларига катта миннатдорчилик билдириб ўтди. Шунингдек, концерт дастури билан боғлиқ ва унинг хотирасида мухрланиб қолган баъзи вазиятлар ҳақида ҳам айтиб берди.
Манзура тақдимотга ташриф буюрган оммавий ахборат воситалари, мухлислари томонидан берилган саволларга жавоб бердилар. Хонанданинг дўстлари ва барча ташриф буюрганлар эса, сўзга чиқиб хонандани ўтган концерт дастури ва альбомлар тақдимоти билан чин қалбдан табрикладилар.
Тақдимотга хонанданинг яқин дўстлари Наримон Григорьян, Февзи, Улуғбек Раҳматуллаев, Самандар Ҳамроқулов, Ирода Дилроз, Дилшодбек Каттабеков, ҳамда Ойбек ташриф буюришди.
Дўстлар эндиликда сиз хонанда Манзуранинг юқорида айтиб ўтилган барча диск тўпламларини сифатли турини пойтахтимиз бўйлаб жойлашган "Discovery" медиа дўконларида ҳарид қилишингиз мумкин бўлади.
Қуйида эса эътиборингизга тақдимот шукуҳини ҳис этиш учун фотосуратларни тақдим этамиз.
.JPG)
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
07-05-2015
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0