Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Хонанда Шаҳзоданинг концерт дастуридан фоторепортаж
Мафтункор, икки фарзанд онаси ва ўзбек шоу бизнесининг ҳақиқий юлдузларидан бири бўлган хонанда Шаҳзоданинг 2014 йилги концерт дастури 1 май куни бошланди.
Муҳташам “Истиқлол” санъат саройи хонанданинг мухлислари билан тўлган. Барча бир йил давомида ўз суюкли хонандасини соғинишга улгурган ва уни тезроқ саҳнада кўришга ошиқар эди.
Муҳташам “Истиқлол” санъат саройи хонанданинг мухлислари билан тўлган. Барча бир йил давомида ўз суюкли хонандасини соғинишга улгурган ва уни тезроқ саҳнада кўришга ошиқар эди.
Ниҳоят ўша узоқ кутилган онлар, саҳна пардаси очилди. Парда очилиши биринчи онларидан бошлаб барчани ажойиб шоу дастур кутаётганлигини кўриш мумкин бўлди.
Саҳна катта экранлар билан гўзал тарзда безатилган бўлиб, умумий экранда самодаги юлдузлар кўринди. Экрандаги тасвирларни кузатиб туриб, ўша самодаги юлдузлардан бири ерга тушгани ва кўклардаги гўзал юлдуз Шаҳзода мухлислар қаришисида намоён бўлганини кўриш мумкин эди. Шаҳзода саҳнанинг юқори қисмида туриб концертни “Тўкилиб” таронасининг ўзгартирилган шаклини куйлаб бошлаб берди.
Саҳна катта экранлар билан гўзал тарзда безатилган бўлиб, умумий экранда самодаги юлдузлар кўринди. Экрандаги тасвирларни кузатиб туриб, ўша самодаги юлдузлардан бири ерга тушгани ва кўклардаги гўзал юлдуз Шаҳзода мухлислар қаришисида намоён бўлганини кўриш мумкин эди. Шаҳзода саҳнанинг юқори қисмида туриб концертни “Тўкилиб” таронасининг ўзгартирилган шаклини куйлаб бошлаб берди.
Мухлисларига яқинроқ бўлиш ва саломлашиш учун пастга тушган Шаҳзода, барча ташриф буюрганларни мамнуният билан қарши олиб, бир неча оғиз дилдаги сўзларини айтиб ўтди.
Шундан сўнг, бирин-кетин ўзгача ва кўпгина совғаларга бой концерт дастури бошланди. Албатта хонанда томонидан тақдим этилган туҳваларга бирма-бир тўхталиб ўтамиз. Концерт, рақс жамоасининг бетакрор чиқишлари билан ҳамоҳангликда ўтди.
Шарқ маликаси Шаҳзода концерт давомида турли кўринишларда мухлислари қаршисига чиқди. У доимгидек бетакрор ва ўз услубига эга. Бу галги концертнинг асосий дизайни қора фондаги бетакрор тўқ атир гуллар бўлди. Буни шаҳзоданинг янги альбомида ҳам кузатиш мумкин.
Концертда хонанданинг янги “Сен менга керак” номли альбомидан жой олган бир қанча қўшиқлар Шаҳзода ижросида жаранг сочди.
Концертнинг энг кўзга ташланган тарафларидан бири бу, дуэт қўшиқлар дуэтдошлар билан биргаликда ижро этилгани бўлди.
Шаҳзоданинг биринчи дуэтдоши композитор, аранжировкачи ва пойтахтимиз меҳмони Аслан Гусейнов эди. Икки қўшиқча ҳамкорликда “Отпусти” таронасини ижро этганликларига кўп вақт ўтмади. Аммо бу тарона ўз мухлисларига эга бўлишга улгурди десак муболаға бўлмайди. Мухлислар, меҳмон хонандани кўтаринки ва жўшқин кайфиятда кутиб олдилар. “Отпусти” таронаси жаранг сочаётган вақтда залдаги мухлислар қўшилиб биргаликда улар билан куйлашди.
Дуэт қўшиқ тугагандан сўнг эса, Шаҳзоданинг илтимосига кўра Аслан Гусейнов ўзининг энг машҳур таронаси “Где ты?”ни илк бор Истиқлол санъат саройи саҳнасида ўзбек томошабинларига куйлаб берди.
Концерт давомида миллий блок ўзгача тарзда хонанда томонидан тақдим этилди ва мухлислари буни мамнуният билан қабул қилинди. Айнан мана шу миллий қисмда Шаҳзода ўзининг кейинги дуэтдошлари билан мухлисларини лол қолдирди.
Иккинчи дуэтдош хонанда Алишер Файз бўлди. Алишер ва Шаҳзода ажойиб “Қилпиллама” қўшиғини маъромига етказиб куйладилар. Албатта Шаҳзода ижросидаги бу қўшиқ ўзгача тарзда айтилган бўлиб, миллий йўналиш унга жуда ҳам ярашган эди. Ушбу миллий блокда хонанданинг либоси уни ҳақиқий Шарқ маликаси эканлигини яна бир бор исботлаб турар эди.
Ва ниҳоят кечанинг сўнгги дуэти бу Дилмурод Мусаев билан биргаликда ижро этилган тарона бўлди.
Шаҳзода миллий йўналишдаги қўшиқларнинг ҳаммасини жуда ҳам ажойиб ижро этди ва бу унинг мухлислари томонидан катта эътибор билан қабул қилинди.
Яқин орада ижро этилган “Қайнона” таронаси ҳам шу кечада жаранг сочди. Қайнона ролидаги Халима Ибрагимова келини хонанда Шаҳзода саҳнада ҳизмат қилаётганини катта экранда синчковлик билан кузатиб турди. Бундай истеъдодли ва суюкли мухлисларига эга келини борлигидан қаттиққўл қайнонажон ҳам фахрланиб кетди.
Томошабинларга маъқул келган яна бир туҳвалардан бу ўзбек футболи ҳақида куйланган қўшиқ бўлди. Қўшиқ вақтида экранда ўзбек футболчилари ўйинлари намойиш этилди. Бу ғалабага чорловчи қўшиқ сўнггида эса дарбозага “гол” ўрилди.
Шунингдек, Шаҳзода кетма-кет янги тароналарини тақдим этиш билан бир қаторда, ўзининг эски альбомларидан жой олган ва хит бўлган қўшиқларини бир қанчасини янги талқинда ижро этди.
Мафтункор Шаҳзода ўзбек эстрадасининг примадоннаси бўлган Юлдуз Усмонованинг машҳур “Билмадим” қўшиғини ўзгача тарзда ижро этди.
Хонанданинг репертуаридаги ҳаммага таниш “Чико” қўшиғини “Капучино” эстрада студияси болакайлари ажойиб талқинда ижро этдилар ва кейинроқ улар даврасига хонанданинг ўзи қўшилиб, таронани биргаликда ижро этди.
Анъанага кўра Шаҳзода концерт давомида ушбу дастурнинг янада ёрқинроқ бўлишини таъминлашда ёрдам берган раққос ва раққосалар жамоасини, ҳамда созандаларини бирма-бир мухлисларига таништириб ўтди ва барча ижодий гуруҳига ҳам ўз миннатдорчилигини билдирди.
Концерт кечаси жуда ҳам ажойиб ва кўтаринки рухда ўтди. Хонанда ўз мухлисларига миннатдорчилик билдириб, улар билан яна дийдор кўришиб турганидан мамнунлигини айтиб ўтди.
Хулоса қилиб, Шаҳзода ўз мухлисларига тақдим этган концерт дастурига доимгидек пухта ва аъло даражада тайёргарлик кўрганини, ҳамда мухлислари олқишига сазовор бўлганлигини таъкидлаш жоиз.
Бу концертга тушган ҳар бир инсон икки соат вақтини аъло даражада ўтказиб, маънавий озуқа олиб кетиши табиий.
Шаҳзоданинг концерт дастуридан тўлиқ фотохисоботни бу ерда кўришингиз мумкин.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
04-05-2014
ИЗОҲЛАР 0