«Истиқлол»ни ёндирган Энрике Иглесиас концертидан

Жаҳонга машҳур хонанда Энрике Иглесиас 28 декабрь куни «Истиқлол» санъат саройи саҳнасида концерт дастури билан Тошкент аҳлига ўзининг оловли меҳрини улашди.

Бир соатга кечиккан концерт дастурида Энрикенинг ҳақиқий фанатлари йиғилган эди. Мухлислар: «Энрике, Биз сени севамиз!», - ҳайқириқли сўзлари билан уни кутиб олди. Хонанда концертни I'm a Freak қўшиғи билан бошлаб берди ва мухлислари билан қўл узатиб, баъзилари билан эса қучоқ очиб саломлашди.

Концерт I Just Wanna Be With You қўшиғи билан давом этди. Хонанда эса гулдасталар қучоғида қолди. Tired Of Being Sorry қўшиғини куйлаганда эса ўз одатига кўра «юлдуз»га яқин бўлишни истаган барча мухлисларини бағрига босди.

Энрике билан бир саҳнада ўзбек ўғлони Улуғбек Исмоилов Ring My Bells ва Knockin On Heavens Door қўшиқларини дуэтда куйлагани барча кутилмаган совға бўлди. Айтиш жоизки, Улуғбек Исмоилов Энрике Иглесиас билан иккинчи марта бир саҳнада дуэт куйлаши. Бундан аввал Улуғбек, 2011 йилда Энрикенинг Москвада «Олимпийский»да бўлиб ўтган концертида у билан бирга куйлаган эди.

Hero лирик қўшиғи вақтида эса Энрике ашиддий мухлисларидан бирига биргаликдаги рақсини ҳадя этди.

Bailando хит таронасини эса 6 ёшлик жажжи Тошкентлик мухлиси, Little Miss and Mister United World-2017 Халқаро танлови ғолиби Самуэль Зингерман билан бирга куйлади.

 

Публикация от Самуэль Зингерман (@samuel_zingerman) Дек 28, 2017 at 9:56 PST

Энрике Тошкентдаги концертини I Like It қўшиғи билан якунлади. Энрикенинг фанатлари ўзлари билан эсдалик сифатида олиб кетишлари учун залга хонанданинг исми ёзилган оқ шарлар ёғилди.

Тошкентлик мухлислари билан саҳнага бош эгиб, ҳайрлашди. 

Концертдан барча суратлар бизнинг фотоҳисоботда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.