Ижодкорлардан янгиликлар

Абдурашид Йўлдошев «Бошқаларда йўқ» клипи билан

Яқин кунларда радио орқали Ўзбекистонда хизмат кўрсатган артист Абдурашид Йўлдошевнинг «Бошқаларда йўқ» қўшиғи мухлислар эътиборига ҳавола этилган эди. Ҳозирги кунда хонанда шу қўшиққа клип олишни режалаштирмоқда. Ҳозирча сюжет кўринишида олишни режалаштирилган клип ғояси устида ишланмоқда. Тез кунларда клип ҳақида тўлиқ маълумот бериб ўтамиз.

Масрур Усмоновни ким алдади?

Қизғин ижод билан банд санъаткорларимиздан бири Масрур Усмонов янги «Алдадинг» номли янги қўшиқ яратди. Қўшиқ сўзи ва мусиқаси хонанданинг ўзига тегишли. Шунингдек, бу қўшиқ режиссёри Шерзод Умаров томонидан олинган клип ишлари ҳам якунланди. Яқин кунларда, чамаси апрель ойининг сўнгги кунларида қўшиқ ва унинг клипи премьераси кутилмоқда. Клип аранжировкаси Рахматжон Нормурадовга тегишли. Қўшиқнинг ғояси хусусида хонанда шундай дейди: - «Ёшлар бугунги кунда бир-бирини алдаб, бир-биридан фойдаланиш ҳолатлари жуда кўп кузатилмоқда. Асосан йигит қизни алдарди, лекин бизнинг қўшиқда йигит алданади. Мана шу каби ҳолатлар камайишини мақсад қилган ҳолда қўшиқ яратилди. Клипда Шерзод Бин ва раққоса Фарангизлар ижроларини кўриш мумкин».

Шаҳзода Муҳаммедова тез кунда бутик-ательесини ишга туширади

Актриса, рассом-модельер дизайнер, бошловчи бир сўз билан айтганда серқирра ижодкор Шаҳзода Муҳаммедова доим изланишда, ижод билан банд. Кундалик ҳаёти, режалари, янги ишлари ҳақида мухлисларини доим ҳаётимизнинг ажралмас қисмига айланган инстаграмдаги шахсий саҳифасида хабардор қилиб туради. Шаҳзода дизайнерлик фаолиятини янада ривожлантириш мақсадида бутик-ательесини очмоқда. Бу ҳақда ҳам у ўз саҳифасида хабар қолдирган. Унда мижозлар Шаҳзода Муҳаммедова дизайни асосида яратилган миллий ва замонавий, эксклюзив либослар тўпламларидан харид қилишлари имкони бўлади. Ательеда эса ўз дидлари, хохиш-истаклари бўйича дизайнерга миллий услубдаги гўзал ва бетакрор либосларни тиктиришлари мумкин. Барча либослар Шаҳзоданинг логотипи остида бўлади. Бутик-ательенинг тантанали очилиши май ойининг бошларига режалаштирилган. 

Музаффар Абдуазимовдан янги қўшиқлар премьераси кутилмоқда

Хонандани янги  «Билмайсанда» қўшиғи ва унга ишланган клипи ўз мухлисларини топиб бўлди. Кейинги ижодлар хусусида хонандага юзланганимизда у яна янги «Битта-битта», ҳамда «Она» номли  қўшиқлар устида қизғин ишлаёттганини маълум қилди. 

Шароф Муқимов  «Ҳаёлларинг олай» таронаси билан

Хонанда Шароф Муқимов «Ҳаёлларинг олай» қўшиғини яратди. Бу қўшиқ  Бурхон Шароповнинг яқин кунларда премьераси кутилаётган фильми учун саундтрек ҳисобланади. Шунингдек, хонанда ҳозирда радио орқали эфирга кетаётган «Кел-кел» қўшиғига клип олиш ниятида кейинги ойда Ҳиндистон сафарига жўнашни режалаштираётганини маълум қилди.

Латофатли Лола Нью-Йоркда

Аввалги хабарларимизда хонанда Лола 30 апрель куни Нью-Йорк шаҳрида Master Theater.да концерт дастурини такдим этиши ҳақида маълум қилган эдик. Хонанда ҳозирда Нью-Йорк шаҳрига етиб келган. Апрелнинг сўнгuи куни эса Нью-Йорлик мухлислари қаршисига чиқади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.