Janob Rasul Истиқлолда юқори кайфиятда концерт тақдим этди

Икки кун давомида «Истиқлол» санъат саройида «Ёмонсан», «Sop sori» қўшиқлари билан мухлисларга яхши таниш Janob Rasul ўзининг илк концерт дастурини тақдим этди. Катта ва кичик рақсга тушган ва юқори руҳда ўтган концерт ҳақида бизнинг шарҳимизда ўқинг.

Janob Rasul

«Аксарият қўшиқлари Хоразм шевасида куйлангани боис турли давраларда ва мухлислар орасида хоразмлик хонанда деб таъкидланадиган Janob Rasul асли Қорақолпоғистон Республикасида туғилиб ўсган. 1987 йилда туғилган. Айни дамда пойтахтда ижод қилади. Қўшиқларга матнларини ўзи ёзади. Ўзининг таъкидлашича, мухлисларининг эътиборини қозониш учун аралаш русча, ўзбекча, хоразмча шеваларда куйлайди. Отажон Худайшукуров, Комилжон Отаниёзов ва Майкл Жексон қўшиқларидан илҳомланади».​

Рақсбоп, шўх қўшиқлари билан мухлислар эътиборини қозонган ижодкор илк концертини юртимизни мадҳ этувчи «Ватан» номли қўшиғи билан бошлаб берди.

Концертда «Қадам», «Нигина», «Мохинура», «Дўмбоғим», «Ёмонсан» каби қўшиқлар ижро этилиб, унда 20дан ортиқ тароналар жаранг сочди.

Хит бўлган тароналари куйланганда залдаги ашаддий мухлислар ўзларини рақс тушишдан тутиб тура олмадилар. Концерт дастури давомида хонанда мухлислар билан суҳбатлашишни ҳам унутмади.

«Она» номли таронани ижро этганда онаси ва бувиси ёнига тушиб уларга гул тақдим этиб, улар билан рақсга тушди ва улар бўлмаса ўзи бўлмаслигини айтиб ўтди. 

Танаффуслар орасида Dizayn жамоаси ва кулги устаси Зокир Очилдиевлар саҳнага чиқиб яхши кайфият улашдилар.

Зокир Очилдиевнинг сўзларидан сўнг, Janob Rasul барча мухлисларга ва кулгу устасига жонли куйлай олишини ҳам торда чала олишини ҳам саҳнада туриб исботлаб берди.

Барча қўшиқлар рақс жамоалари чиқишлари билан ҳамоҳангликда тақдим этилди.

Концертдан сўнг, Janob Rasul

«Илк концертим бўлгани учун жуда қаттиқ ҳаяжонда эдим ва биринчи кунда шунча мухлис келганини кўриб ҳурсанд бўлдим. Тўғриси кутмаган эдим».

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.