Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Lola & DJ Piligrim: IMAGINE (video version)
Куни кеча Алишер Навоий номидаги Ўзбекистон Миллий кутубхонаси мажлислар залида ЮНИСЕФ ваколатхонаси томонидан Лола ва DJ Piligrim ижросида Жон Ленноннинг афсонавий "IMAGINE" қўшиғига суратга олинган клип тақдимоти бўлиб ўтди.Тадбирда БМТ аъзолари, ОАВ вакиллари, БМТ кўнгиллилари ва кутубхона фойдаланувчилари иштирок этди.
Тадбирда сўзга чиққан ЮНИСЕФнинг Ўзбекистондаги ваколатхонаси раҳбари Роберт Фудерич иштирокчиларни қутлаб, дунёда тинчликни таъминлашда мазкур қўшиқнинг моҳияти ҳақида гапирди.
Шундан сўнг минбарга мазкур қўшиқ ижрочиларидан бири Лола кўтарилди ва қўшиққа суратга олинган клип ҳақида сўзлаб берди.
Ушбу қўшиқ ҳозирги кунда флеш-моб усулида Кэти Перри, Николь Шерзингер, Кортни Кокс сингари бутун дунёга машҳур хонанда ва кино юлдузлари томонидан ижро этилган бўлиб, Ўзбекистонда айнан Лола ва DJ Piligrim томонидан амалга оширилган. Мазкур лойиҳа 2014 йилда дунёда кенг нишонланган бола ҳуқуқлари Конвенцияси қабул қилинганининг 25 йиллигига бағишланди.
Клип тақдимотидан сўнг иштрокчиларга ўзларини қизиқтирган саволлар билан ташкилотчиларга мурожаат қилиш имконияти берилди. Шунингдек мазкур клипни суратга олишда иштирок этганларга ЮНИСЕФ томонидан эсдалик совғалари, Лола ва DJ Piligrim га эса диплом топширилди.
Тадбир сўнгида барча хоҳловчилар ўзларининг севимли хонандалари Лола томонидан дастҳат қўйилган буклетларни қўлга киритиш имкониятига эга бўлдилар.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
04-03-2015
ИЗОҲЛАР 0