Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Мафтункор Лола ҳамкасби Шоҳруҳхоннинг концерти ҳақида
Мен концерт залига ташриф буюрганимда жуда ҳам илиқ муҳит ҳукм сураётганлиги ва Шоҳруҳхоннинг мухлислари самимий ва унга содиқ эканликлари гувоҳи бўлдим. Зал таниқли юлдузларга бой эди.
Концерт аввалида залдан саҳнага катта мушук ниқобидаги йигит чиқиб келди. Ҳамма албатта бу Шоҳруҳхон бўлса керак деб ўйлагани аниқ, аммо ниқоб остида кеча бошловчиси Алишер Узоқов бекинган эди.
Парда очилиб саҳнада Шоҳруҳхон пайдо бўлган дақиқалардан бошлаб концерт дастурини шунчаки томоша қилиш мумкин эмас эди, чунки у билан биргаликда куйлашни, рақсга тушишни хохлар эди инсон. Унинг қўшиқлари ҳақиқатда жуда ҳам ажойибдир. Ахир Шоҳруҳхон нафақат истеъдодли хонанда, балки у жуда яхши композитор ҳам.
Концертнинг ўзи бир нафасда ўтди деса ҳам бўлади. Дастурнинг эътиборга лойиқ томонлари етарлича бўлди.
Улардан бири дуэт чиқишлар бўлиб, Шохруҳхон концертда Муниса Ризаева, Шаҳзода, Жоҳонгир Позилжоновлар билан дуэт куйлади ва албатта биз ҳам “Йиғлар осмон” қўшиғимизга Шохруҳхон томонидан ёзилган ремиксни биргаликда ижро этдик.
Концертнинг жуда ҳам гўзал ва романтик дақиқаларидан бири бу залдаги мухлислар Шоҳруҳхоннинг илтимосига кўра телефон чироқларини ёқган маҳали бўлди.
Бу кечада мени жуда ҳам таъсирлантирган дақиқалардан бири бу концертда бошловчилик вазифасини бажараётган актёр Алишер Узоқовнинг она ҳақидаги монологидан сўнг, саҳнада Шоҳруҳхон ва унинг икки нафар укалари чиқиб, биргаликда волида-ю муҳтарамалари учун бағишлаб ижро этган қўшиқлари бўлди. Мен ўйлайманки ҳар бир она учун фарзандининг истеъдоди гувоҳи бўлиш бу жуда ҳам улкан бахт. Зебо Наврузованинг фарзандлари ҳақиқатда ҳам жуда истеъдодли фарзандлардир.
Умуман олганда мен концерт ва Шоҳруҳхон ҳақида шуни айтишим жоизки, ушбу икки кун давомида бўлиб ўтган концертда зал мухлисларга тўла бўлди, хонанда эса ўз мухлисларига юракдан меҳр ила куйлаб, янги ва хит бўлишга улгурган қўшиқларини ҳадя этди.
Ҳа айтганча, биз Шохруҳхон билан "Tarona records" компаниясининг бу йилги концертлар фаслини очиб бердик.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
18-02-2014
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 2