Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Маҳмуд Номозовнинг "Кўза афсонаси" концерт дастуридан фоторепортаж
19 май куни Ўзбекистон ва Қорақалпоғистон Республикалари Халқ артисти Маҳмуд Номозовнинг уч кунлик “Кўза афсонаси” номли яккахон концерт дастурига старт берилди.
Истиқлол санъат саройи хонанданинг ашадий мухлисларига тўла эканлигини санъат саройи залининг киришидан сезилиб турар эди. Барча мухлислар ўзи суйган хофизларини саҳнада кўришга интиқ эдилар.
Ушбу кечада бошловчилик вазифаси Толибжон Исроилов зиммасига юклатилган бўлиб, концерт дастурини айнан у очиб берди.
Ва ниҳоят, саҳна пардаси очилди. Саҳна катта экран ва ёрқин чироқлар билан безатилган. Созандалар томонидан жонли ижрода бир оз гўзал мусиқа садолари янграгандан кейингина мухлислари қаршисига Махмуд ака Номозов чиқдилар.
Илк қўшиқ баҳор фаслини тараннум этувчи “Бойчечагим” таронаси бўлди. Қўшиқ янграганда эса экранда қуёшли ўлкамизнинг сўлим ерлари, бетакрор табиат манзаралари намойиш этилиб турилди.
Кечанинг илк қўшиғи янграб бўлгандан сўнг эса, хонанда мухлислари билан саломлашиб уларни бу улуғ даргоҳда кўриб турганидан беҳад мамнун эканликларини ва ҳар сафар саҳнага қадам қўйган махал кучли ҳаяжон босишини айтиб ўтдилар.
Шунингдек, бу кечада ижоди давомидаги қўшиқлардан тайёрланган “Гулдаста” янграшини ҳам айтиб ўтдилар. Шу тариқа жуда ҳам файзли концерт дастури бошланиб кетди.
Махмуд Намозов концертнинг фақатгина биринчи блокида ўз мухлисларини созандалари билан биргаликда жонли ижрода айтилган қўшиқлари билан ҳушнуд этдилар. Дастурдаги иккинчи қўшиқ барчага манзур келувчи “Қишлоғим” таронаси бўлди.
Ушбу кечада Махмуд ака Номозов отажонлари ёдига бағишлаб ҳам ашула айтдилар. Тарона янграётган маҳал экранда оталари суратлари ва шахсий архивдаги баъзи оталари иштирокидаги видео лавҳалар намойиш этилиб турилди.
Шунингдек, концерт дастурида хонанданинг ижодидаги бир қанча шўх-шодон ва рақсга чорловчи қўшиқлар жаранг сочди. Концерт дастурига “Тумор” рақс ансамбли раққосалари ва раққослари чиқишлари янада кўрк ва байрамона руҳ бағишлади.
Концерт давомида мухлислар ўзлари суйган хонандалари ижросидаги қўшиқлар билан Бухородан Сурхандарёгача отларини қамчилаб, Лайлилар кетидан масту-маҳлиё бўлиб сайр қилдилар.
Концерт давомида мухлисларнинг ҳар бир қўшиқ жаранг сочгандаги қувонч ва эътиборларини кўриб киши ҳайратга тушади. Кимдир туриб рақсга тушса, кимдур ўтирган жойида ўзини ўйиндан тўхтата олмас эди. Кети узулмас қарсаклар ҳақида эса гапирмаса ҳам бўлаверади.
Концертнинг биринчи кунида санъаткорлардан Ҳосила Раҳимовани кўриш мумкин бўлди. Албатта шижоатли Ҳосила Раҳимова ҳам концерт давомида ўзини рақсдан тута олмай бир таронага биргаликда Махмуд аканинг мухлислари қаторида рақсга тушиб берди. Қўшиқдан сўнг эса Маҳмуд ака айнан шу қўшиқ Ҳосилахоннинг қўшиғи эканлигини ҳам айтиб ўтдилар.
Концерт дастури давомида "Ҳандалак" гуруҳи вакилларининг ҳазилга тўла чиқишларидан баҳраманд бўлиш мумкин бўлди. Кеча давомидаги чиқишларида улар ўз ҳазил-мутойибалари билан мухлисларнинг кайфиятларини янада аъло даражага чиқаришди.
Кўпгина қўшиқлар Ҳайёрей-Войёрей сўзлари ҳамоҳанглигида ўтди.
"Соғинч" номли тарона жаранг сочган вақт хонанда ўз мухлисларига янада яқинроқ бўлиш истагида, улар ёнига саҳнадан тушдилар.
Ушбу концертга ташриф буюрган ҳар бир киши Маҳмуд ака Номозовнинг ашадий мухлислари эканлиги уларнинг хонандага бўлган илиқ муносабатлари, кўзларидаги қувонч, меҳр орқали сезилиб турар эди.
Концерт дастури Маҳмуд аканинг аъзим пойтахтимиз Тошкент шаҳрининг уларга нақадар қадрлилиги, шу даражага етиб келишларида унинг ҳиссаси катта эканлиги ва Тошкентга доим таъзим қилишлари ҳақидаги сўзлар билан якунланди. Ушбу сўзлар исботи сифатида эса "Тошкентим" таронаси, шукрона қўшиғи сифатида тақдим этилди ва ижро қилинди.
Хонанданинг репертуаридаги энг сара қўшиқлар садолари ушбу кечада жаранг сочди. Мухлислар ўзларинг севимли хонандалари билан биргаликда ёқимли дастурдан баҳраманд бўлдилар.
Маҳмуд Номозовнинг "Кўза афсонаси" концерт дастуридан тўлиқ фотохисоботни бу ерда кўришингиз мумкин.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
20-05-2014
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0