Муниса Ризаев «Қоп-қора» қўшиғи учун клип суратга олдирди
Ўзбек эстрадасининг ёрқин хонандаси Муниса Ризаева яқинда тақдим этган «Қоп-қора» қўшиғи учун икки кун давомида клип суратга олдирди.
Съёмка ишлари «Ботаника боғи»да бўлиб ўтди. Клип режиссёри Ёдгор Носиров, оператор Жаҳонгир Ибрагимов (Yoxan таҳаллуси остида барчага яхши таниш). Клипдаги кўринишлар устида дизайнер Хилола Шер иш олиб борган.
Бош қаҳрамон образига хонанда бу сафар яна актёр Йигитали Мамажоновни таклиф этган. Бундан аввал актёр, Муниса Ризаеванинг «Сенсиз» номли қўшиғи учун суратга олинган клипда иштирок этган эди.
Шунингдек, клипда энг гўзал қизлар жамоаси, актрисалар Зарина Низомутдинова ва Наргиза Солмонова, ҳамда раққосалар Паризода ва Шодиёра Омоновалар суратга тушдилар.
«Дизайн» жамоаси ҳам клипда иштирок этган.
Демак, доим ўзгачалиги билан ажралиб турувчи хонанда Муниса Ризаевадан тез кунда афсонавий руҳда суратга олинган ўзгача клипни кутиб қолинг.
ИЗОҲЛАР 0