Нилуфар Усмоновадан тез кунда янги клип

Нилуфар Усмонова ижод уммонига шунғиган. Хонанда 30 апрелда ўзининг «Келақол жоним» номли янги қўшиғига ишланган клипни тақдим этган эди. Кўп ўтмасдан хонанда янги клип устида иш бошлаб юборди. 

Клип олинаётган қўшиқ номи «Чин севаман» деб номланади. Видеомаҳсулот сюжет ва трек қисмлардан иборат бўлади. 

Мазкур клипда анча вақтдан буён кўринмай қолган актёр Алишер Узоқов рол ижро этган. 

Клип хонанданинг ижодий ҳамкорларидан бири Жаҳонгир Ибрагимов томонидан тасвирга олинди.

Хонанданинг образи устида Рената Искандарова иш олиб борди. Съёмка ишлари икки кун давомида бўлиб ўтди. 

Клип сюжетига бир ўзбек оиласи ҳаёти олинган бўлиб, Нилуфар Усмонова шу оиланинг бекаси ролида бўлса, Алишер Узоқов оила бошлиғи образида. Фарзандлар ролини хонанданинг ўғиллари ижро этишган. 

Хонанда томонидан тайёрланаётган янги ижод иши тез кунда мухлислар ҳукмига тақдим эилади. Унга қадар эса съёмка майдончасидан фотосуратлар эътиборингизда.

 

 

 

 

 

 

 

 

 

 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.