alt alt    alt

 
КИРИШ/РЎЙХАТДАН ЎТИШ
00:00
Now playing
Выберите радиостанцию
Концертлар ва шоу

Опера хонандаси Рамиз Усмонов Гран-При соҳиби

Ўзбекистонлик тенор овозли опера хонандаси Рамиз Усмонов Минск шаҳрида ўтган биринчи Минск вокалистлар Халқаро Рождетство танловининг Гран-присига сазовор бўлди

Танлов натижаларига кўра, 1-ўринга беларусиялик Мария Шабуня (сопрано), 2-ўринга украиналик Валентина Феденёва (сопрано) ва 3-ўринга грузиялик Лаша Сеситашвили (баритон) эга бўлди. Шунингдек, бир неча иштирокчиларга Беларуссия Катта театрининг махсус мукофотлари ҳам топширилди.
Танловнинг финал босқичи 2014 йил 17 декабр куни бўлиб ўтди. Унинг биринчи босқичида 20 мамлакатдан 155 нафар хонанда қатнашган бўлса, улардан 11 нафари финалга чиқди. Якуний босқичда 6 мамлакат вакиллари беллашди. Булар: Қозоғистон, Украина, Беларуссия, Россия, Грузия ҳамда Ўзбекистон.

Қайд  этиш мумкинки, Гран-при соҳибига 10 минг евро пул мукофоти берилади.

Маълумот учун, Рамиз Усмонов Жиззах вилоятида туғилган. Ўзбекистон давлат консерваториясининг академик вокал йўналишини тамомлаган. 2005 йилдан буён Алишер Навоий номидаги академик Катта театрида фаолият юритмоқда. 2010 йил Ўзбекистонда хизмат кўрсатган артист унвонига сазовор бўлган. Шунингдек, Қозоғистон ва Россияда бўлиб ўтган “Романсиада” танловида совринли ўринларни қўлга киритган.

Манба: uz24.uz/uz

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.
Нашр санаси: 19-12-2014

ИЗОҲЛАР 0

Авторизация Изоҳ қўшиш учун авторизация қилинг