Ойбек ва Нигорадан тез кунда янги клип

Ўзбек эстрадасининг ёқимтой жуфтлиги Ойбек ва Нигора янги клип устида иш бошладилар. «Хоҳламайман» деб номланган шўх, рақсбоп таронага клип суратга олиш ишларига якунига етиб, ҳозирда монтаж ишлари давом этмоқда.

Мазкур тарона сўзи ва мусиқаси Ойбек Алимовга тегишли бўлиб, мусиқий сайқал устида Рустам Тўлашев иш олиб борган. Клип ҳақида сўз юритадиган бўлсак, комедия жанрида сюжетли видео кетма-кетлик суратга олинган бўлиб, тарбиявий аҳамиятига катта эътибор  қаратилган.

Клип режиссёри Сарвар Каримов бўлиб, оператор Иззат Лутфуллаев. Клипда бош ролларни таниқли актриса Севара Солиева ҳамда актёр Бахтиёр Турғуновлар ижро этишган.

Янги ижод маҳсули билан мухлисалар таҳминан шу ойнинг охирларида танишиш имконига эга бўладилар. 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.