Райҳон 2017 йилнинг февраль ойида концерт беради

Ўзбек эстрадасининг энг ёрқин ва бетакрор хонандаларидан бири бўлган Райҳоннинг 2017 йилдаги яккахон концерт дастури кунлари маълум бўлди. Концерт дастури Истиқлол санъат саройида 20,21,22,23,24 февраль саналарида бўлиб ўтади. Бу ҳақда хонанданинг ўзи инстаграмдаги шахсий саҳифасида мухлисларига маълум қилган.

2017 йилдаги концерт дастурининг ташкилотчилари аввалгидек Proart компанияси. Мазкур копания раҳбари Жавлон Камоловнинг бизга берган маълумотига кўра, ҳозирда концерт дастурига тайёргарлик ишлари авжида. Концерт дастури учун хонанда ноодатий тарздаги кўпгина совғаларни тайёрламоқда. Дастурдан муҳаббат ва меҳрга тўла янги, ҳамда яхши қўшиқлар жой олади. 

Шубҳасиз Райҳон ўз анъанасига кўра мухлисларини бу сафар ҳам аввалгидек ёрқин шоу дастури билан шод этади. 
Шунингдек, бизга берилган маълумотга кўра хонанда Райҳон янги Якзон билан ҳамкорликда ноодатий тарзда яратган Намасте-Namaste номли қўшиғига клип суратга олиш учун Ҳиндистонга саёҳатга отланган.

Шунингдек, компания раҳбари чипталар сотувга чиқишини орзиқиб кутаётган мухлислар душанба, 14 ноябрь кунидан бошлаб, концерт чипталарини Истиқлол санъат саройи кассаларида харид қилишлари мумкинлигини айтиб ўтди.

Концерт билан боғлиқ барча маълумот учун телефон рақами: +998951773334

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.