Сардор Раҳимхондан тез кунда ҳақиқий дўстлик ҳақидаги клип

Ўзбекистонда хизмат кўрсатган артист Сардор Раҳимхон тожикистонлик хонанда Жонибек Муродов билан куйлаган «Дўстон» номли таронасига клип суратга олди. Клип ғояси Mr. Photo тахаллуси билан кўпчилкка таниш бўлган Дилмурод Каримовга тегишли. Режиссёрлик иши ҳам айнан Дилмурод Каримов зиммасига юклатилган бўлиб, мазкур видео кетма-кетликда таниқли актёрлар жамоасини кўришимиз мумкин бўлади. Адиз Ражабов, Алишер Узоқов, Ҳасан ва Ҳусан Мақсудовлар, Наримон Султонхўжаев, Алишер Усмонов, модель Шаҳбоз, шунингдек хонанда мазкур клипга ўзининг санъат оламидан узоқ бўлган, лекин жуда яқин икки дўстини ҳам таклиф этган.

Сардор Раҳимхон клип ҳақида:

«Ҳақиқий дўстлик ҳақида, жуда таъсирли сюжетга эга клип суратга олдик. Ёшликдан бирга катта бўлган еттита чинакам, вафодор дўстлар ҳақидаги видеоклип бўлади. Ўйлаймизки мухлисларга ёқади. Самимий, ҳақиқий чапани клип бўлади деган фикрдаман, мухлисларнинг, айниқса эркакларнинг қалбига кириб борадиган ижод асари бўлишига умид қиламиз».

Тез кунда мазкур клип премьерасини кутиб қоламиз. Ҳозирча суратга олиш жараёнидан фотосуратларни тақдим этамиз.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.