Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Тўйлар муборак: Бежирим либослар фестивалидан
LOTTE CITY HOTEL TASHKENT PALACE меҳмонхонасида 30 май куни “Тўйлар муборак” тўй либослари фестивали бўлиб ўтди.
Ушбу фестивал илк бора ўтган йилнинг август ойида бўлиб ўтган эди. Бу йил фестивал икккинчи маротаба ўтказилди.
Ушбу фестивал илк бора ўтган йилнинг август ойида бўлиб ўтган эди. Бу йил фестивал икккинчи маротаба ўтказилди.
Тадбир ташкилотчиси, ҳамда лойиҳа муаллифи Дилдора Зайнутдинова!
Либослар намойишига гўзаллик ва нафислик шайдолари ташриф буюрдилар. Меҳмонлар шу куни миллийлик ва дунё стандартлари уйғунлашган замонавий, классик бежирим, нафис тўй либослари намойишидан баҳраманд бўлдилар. Пойтахтимизнинг ёш ва истеъдодли дизайнерлари ва тўй либослари салонларидан тақдим этилган либослар тўплами бир кунда, бир масканда меҳмонлар эътиборига тақдим этилди.
Тўй либослари фестивали ўзбекона тўйларга хос равишда, карнай-сурнай садолари остида бошланди.
Тадбир “Mursak” модалар уйидан тақдим этилган “Шарқ жилоси” номли либослар тўплами намойиши билан очилди. Либослар дизайнери Нилуфар Абдувалиева.
Иккинчи бўлиб, “Anor» модалар уйидан “Шарқ дурдонаси” болалар учун либослар тўплами ташриф буюрган меҳмонларга тақдим этилди. Жажжи болажонлар учун мўлжаллаб тикилган либосларни гўзал ва ширин қизалоқлар моҳирлик билан намойиш этдилар. Дизайнер Гулбахор Мусаева.
Кейинги “Гармония” номи остидаги тўплам дизайнер Гўзалдан тақдим этилди. Намойиш хонанда Саиданинг “Тирнама” қўшиғи билан якунланди.
Дизайнер Рисмухамедова Роза “Шарқано ранглар” болалар тўплами билан ушбу фестивалда иштирок этди.
Бирин-кетин тақдим этилган либослар намойишидан сўнг, меҳмонлар “Бастет” болалар рақс жамоасидан тақдим этилган ёрқин рақс шоусига гувоҳ бўлдилар. Кичкинтой болажонларнинг чиқиши барчага манзур бўлди.
Мусиқий чекинишдан сўнг намойиш давом этиб, навбатдаги тўплам юртимизда ва чет элда ҳам машҳур дизайнер Дилмурод Миркамиловдан “Сув ва ўт” номли нафис либослар тўплами тақдим этилди.
Ўзбекона анъанамизга кўра тўй фестивалига ташриф буюрган ва барча фестивал иштирокчилари учун “Келин салом” ҳам қилинди. Фестивал келинчаги ва унинг янгалари Миржон Ашраповнинг “Ёр-ёрлар” қўшиғи садолари остида кириб келдилар.
Келинчак ролида ҳаммага яхши таниш Халимахоним бўлдилар. Улар эпчиллик билан барчага салом қилдилар. “Келин салом”ни олиб бориш вазифаси ажойиб актриса Зухра Солиева зиммасига юклатилди.
Ниҳоят фестивал меҳмонлари, Nuptial тўй либослари салонидан тақдим этилган келинчаклар учун бетакрор тўй кўйлаклари намойишига гувоҳ бўлдилар.
Кейин эса жажжи қизалоқлар яна болалар тўплами билан саҳнага ташриф буюриб ҳамманинг завқини уйғотдилар.
Сўнгги либослар тўплами дизайнер Иродадан тақдим этилиб, “Нафислик” деб номланган.
.PNG)
Тўй либослари фестивали ёрқин ва гўзал тарзда ўтди. Меҳмонлар миллийлик ва дунё стандартлари билан яқиндан танишиб, бу тадбирдан ўзлари учун кўпгина танловлар қилишди деб, айтсак ҳам муболаға бўлмайди.
Биз эса ўз ўрнида табдир ташкилотчиларини ва иштирокчиларини ушбу ажойиб фестивални бу тарзда гўзал ўтказиб олганлари билан муборакбод этиб, келгуси ишларида муваффақиятлар ва ижодий парвозлар тилаб қоламиз.
Фестивалдан тўлиқ фотоҳисоботни бу ерда кўришингиз мумкин.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
01-06-2015
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 0