Улуғбек Раҳматуллаевдан "Она" клип премьераси

Ноябр ойида 4 кун давомида ўзининг навбатдаги яккахон концерт дастурини тақдим этган хонанда Улуғбек Раҳматуллаев ўз мухлисларини янги ижод иши билан шод этди. Хонанда ушбу концерт дастурида мухлисларига бир қанча янги композицияларни тақдим этди. Янги қўшиқлар мухлислар томонидан илиқ кутиб олинди, айниқса "Она" қўшиғи барчанинг қалбидан чуқур жой олди. Улуғбек Раҳматуллаев кўпгина мухлислар талабларига кўра ушбу қўшиқ ва унга ишланган клипни катта омма ҳукмига тақдим этди. Клип Санжар Маткаримов режиссёрлигида тасвирга олинган. Қўшиқ матн муаллифи Низомиддин Мухаммад Охун, мусиқаси эса Иқбол Муҳаммадга тегишли. Меҳрибон ва мунис оналаримизни мадх этувчи, меҳрли ва таъсирли клип премьерасини қарши олинг.  


Клип: RizaNovaUZ