Ҳамюртларимиз халқаро вокал танловида

10 февраль куни Россиянинг НТВ телеканалида «Ты супер!» халқаро танловининг иккинчи мавсумига старт берилади. Мазкур лойиҳада икки ҳамюртимиз ғолиблик учун курашади.

«Ты супер!» - вокал лойиҳаси бўлиб, унда ота-онасидан эрта етим қолган болаларга ўз иқтидорларини намойиш этиш имконияти берилади. Бу йил лойиҳада 13та давлатдан ташриф буюрган, 82та бола қатнашади. Лойиҳа қоидаларига кўра, иштирокчи 8 ёшдан 18 ёшгача бўлган болалар қатнашиши мумкин.

15 ёшли Бобур Мажидов — киришимли, жиддий бола. Яхши ва аъло баҳоларга ўқийдиган Бобур, ўзи тарбияланаётган меҳрибонлик уйида ўтказиладиган барча тадбирларда иштирок этади. Шунингдек, шаҳар ва республика кўрик-танловларида қатнашади. Учувчи бўлишни орзу қилади.

10 ёшли Севинч Ходиева — қўшиқ куйлашни меҳрибонлик уйида бошлаган. Унинг ўқитувчиси иқтидорини сезиб, у билан вокал машғулотлари ўтказа бошлаган. Ҳозирда Севинч турли кўрик-танловлар ва фестивалларда қатнашиб келади. Орзуси – Туркияга саёҳат қилиш ва профессионал эстрада хонандаси бўлиш.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.