Концертлар ва шоу
Fevralda kutilayotgan 5 ta konsert
00:00
Now playing
Выберите радиостанцию
Концертлар ва шоу
Юлдуз билан бир кун: Отабек Муталхўжаев
Дўстлар, сизнинг ҳукмингизга янги “Юлдуз билан бир кун” деб номланган рукнимизни ҳавола этамиз. Мазкур рукнимизнинг илк меҳмони қизларнинг ёқимтойи, ёш истеъдодли санъаткор Отабек Муталхўжаев.Отабек бизни ўз уйларида қарши олдилар.
.jpg)
Хонанда компьютерда ишлаб ўтирган эканлар.
.jpg)
.jpg)
Отабекнинг кунлари одатда бир финжон қаҳвадан бошланар экан. Лекин бугун сал бошқачароқ бўлди. Биз Отабек билан тренажёр зали томон йўл олдик. Хонанда деярли ҳар куни спорт билан шуғулланиб турар эканлар.
.jpg)
Йўл йўлакай уларни саволга тутдик.
- Отабек, Сизга илк саволим, ота-онангиз болалигингиздан санъаткор бўлишингизни исташганми, ёки сизнинг касбингиз билан боғлиқ бошқа орзулари бўлганми?
Отабек: Ростини айтсам, ота-онам мени нефть ва газ соҳасида фаолият юритишимни исташган, шу соҳа бўйича таҳсил олиб, бир муддат шу соҳа бўйича ишлаганман ҳам. Аммо тақдир тақазоси билан санъатга кириб келдим, аввалига ота-онам бунга қаршилик кўрсатишган, кейинчалик эришган ютуқларимни кўриб оқ фотиҳа беришган. Ҳозир мен билан фаҳрланиб юришади.
- Қўшиқчи бўлишингизга нима туртки бўлган?
Отабек: Ҳаётимда армонли муҳаббатни бошимдан кечирганман. Ўша муҳаббат туфайли ҳаётимда кескин бурилиш содир бўлган. Қўшиқчи бўлишимга ҳам ўша армонли муҳаббатим сабаб бўлган десам адашмасам керак.
- Сизни фақатгина қўшиқчи сифатида эмас, балки актёр ва телебошловчи сифатида ҳам яхши биламиз. Лекин айтингчи, бу соҳалардан қайси бири дилингизга яқинроқ?
Отабек: Мен учун актёрлик ва телебошловчилик ҳам жуда ёқади. Камера қаршисида ишлашни яхши кўраман, аммо энг дилимга яқини бу албатта қўшиқчилик. Мен қўшиқларим билан яшайман.
Тренажёр залида бизни Отабекнинг тренери кутиб олдилар.
.jpg)
Сўнг вақтни чўзмасдан Отабек машқ қилишга киришиб кетдилар.
.jpg)
.jpg)
- Отабек, яқинда Орландо Блумнинг Elle журналига берган интервьюсини ўқиб қолдим. Унинг айтишича аёллар ташқи кўринишларига эркакларга нисбатан кўпроқ эътибор беришлари ҳақидаги гаплар нотўғри, аслида бунинг тескариси экан. Сиз бу фикрга нима дейсиз ва ўзингиз ташқи кўринишингизга қанчалик аҳамият берасиз?
Отабек: Мен Орландонинг фикрига тўлиқ қўшиламан. Балки баъзи эркаклар ташқи кўринишларига унчалик аҳамият бермаслар, лекин биз санъат одамимиз, халқ назаридамиз, биздан намуна оладилар, шу сабабдан ўзимизга қараб юрмасликнинг иложиси йўқ. Ташқи кўринишим кўркам бўлиши учун деярли ҳар куни тренажёрларда шуғулланаман, керак бўлса юзим ва сочим парваришига ҳам вақт ажратаман.Лекин энг асосийси эркак киши ҳар доим тоза ва озода кўринишда бўлиши керак.
.jpg)
.jpg)
.jpg)
.jpg)
Тренажёр залидан биз Отабекнинг иш студияси томон йўл олдик.
.jpg)
- Отабек ижодингизда қандай янгиликлар кутилмоқда? Мухлисларингизни қандай қўшиқлар билан хурсанд қилмоқчисиз?
Отабек: Ҳозирда тинмай ижод қилмоқдамиз. Бир нечта янги қўшиқлар устида ишлаяпмиз. Улардан бири “Дунё учун севма мени” деб номланган қўшиғимиз ёзиб тугатилди ва тез кунда клип суратга олиш ниятидамиз. Тайёргалик ишлари бошлаб юборилган. Яна бир қўшиғимиз “Нозанин ёр” деб аталади. Ҳозир ёзиб тугатиш арафасида турибмиз. Худо хоҳласа мухлисларимиз учун кўп совғалар тайёрлаб қўйганмиз.
.jpg)
Студияда бизни ёш, истеъдодли бастакор Сиёвуш кутиб олдилар. Маълум бўлишича улар биргаликда янги қўшиқ устида ишлаётган эканлар. Биз репетиция жараёнини завқ билан кузатиб турдик. Отабек телефонда гаплашиш учун чиқиб кетганларидан фойдаланиб Сиёвушни сўроққа тутдик.
.jpg)
.jpg)
- Сиёвуш, айтингчи Отабек билан анчадан бери танишмисизлар ва бу ҳамкорликда яратаётган нечинчи қўшиғингиз?
Сиёвуш: Отабек билан анчадан бери бир биримизни таниймиз, у жуда очиқкўнгил, самимий ва тиришқоқ йигит. Ҳозир Отабек билан тўртинчи қўшиғимиз устида ишлаяпмиз. Аммо келажакда биргаликда альбом чиқариш ниятимиз ҳам бор.
.jpg)
Студияни тарк этар эканмиз Отабек бугун ўзи учун бирон бир кийим харид қилиши кераклигини айтиб қолдилар. Биз бажонидил уларга ҳамроҳ бўлишимизни билдирдик. Ахир юлдузлар қаердан кийиниши биз учун ҳам қизиқда. Ҳойнаҳой бозор бўлмаса керак деган таҳминимиз тўғри чиқди. Отабек харид учун пойтахтимизда жойлашган бутиклардан бирига бордилар.
.jpg)
Биз Отабекка ҳалақит бермаслик учун уларни узоқдан кузатиб турдик.
.jpg)
.jpg)
.jpg)
.jpg)
.jpg)
Харид қилиб бўлгач Отабек бизга Наманганлик бир мухлисари улар билан учрашиш мақсадида пойтахтга келганини, ва у билан учрашмасалар бўлмаслигини айтиб қолдилар. Отабек мухлисларига нисбатан илиқ муносабатда эканликлари уларнинг гап сўзларидан билиниб турарди.
- Отабек, мухлисларингиздан кўплаб совғалар олсангиз керак, совғалар ичида сизга жуда ҳам қадрли бўлгани борми?
Отабек: Мен учун мухлисларимдан олган барча совғалар жуда қадрли. Улардан ҳеч бирини алоҳида эътироф эта олмайман. Асосийси уларнинг барчаси чин қалбдан ҳадя қилинган.
- Ҳаётингизда сизни энг ғурурлантирадиган нарса нима?
Отабек: Тўғрисини айтсам халқнинг назарида бўлишнинг ўзи мен учун жуда фаҳрли. Яна эришган ютуқларим билан фаҳрланаман. “Ниҳол” мукофоти совриндори бўлганимдан ғурурланаман.
Суҳбатимизнинг шу ерида Отабекнинг Наманганлик мухлиси даврамизга қўшилди. Биз ҳалақит бермаслик мақсадида уларни холи қолдирдик.
.jpg)
Отабек мухлиси билан жуда самимий суҳбат қурдилар. Улар ҳайрлашгач Отабек бизга мухлиси ҳақида гапириб бердилар. Ашаддий мухлисларидан бўлган бу йигит Отабекнинг ҳар бир қўшиқларини ёддан билар экан ва уларни куйлаган экан. Отабек қўшиқни эшитиб кўриб “Унинг овози меникига жуда ҳам ўхшар экан” дедилар.
.jpg)
Биз имкониятдан фойдаланиб яна уларни сўроққа тутдик.
- Отабек сизга бу саволни бермасам қизлар мени кечиришмаса керак. Қачон энди уйланасиз?
Отабек: Очиғи ҳаракатларни бошлаб юборганмиз. Насиб қилса яқин орада тўйим бўлиши кутилмоқда, фақатгина қалбимга яқин қизни учратсам бўлди. Ҳозирча ундай қизни учратмадим. Деярли ҳар ҳафта учрашувга чиқаман, лекин, нима деса бўлади, юрагим жиз этмаяпти.
- Бу қизлар учун хушхабар. Демак мухлисаларингизда ҳали имконият бор.
Отабек: Албатта бор (муҳ. самимий кулади)
Биз Отабек билан юриб соат олтига яқинлашиб қолганини сезмай ҳам қолибмиз. Отабекни эса олдинда яна бир интервью кутаётган экан. Бизга ажратган вақтлари учун Отабекка ташаккуримизни айтиб, улар билан ҳайрлашдик.
.jpg)
.jpg)
Отабек ҳақидаги умумий таассурот: Жуда самимий, очиқ, яхши суҳбатдош, яна уларда сунъийликни кўрмадик, жуда ҳам табиий, болаларча беғубор, энг асосийси юлдузлик касалига чалинмаган.
Kunutun.uz нинг Telegram’даги расмий
каналига обуна бўлиб, янгиликлардан кунутун хабардор бўлинг.
Нашр санаси:
05-08-2013
Шошилманг
Оммавий ахборот воситаси давлат рўйхатидан ўтганлиги ҳақидаги гувоҳнома № 0942 ЎзМАА томонидан 09.01.2013да берилган
© 2013-2020 Барча ҳуқуқлар ҳимоя қилинган. Фотосуратлар, сайт дизайни (ташқи безаги),
муаллифлик материаллари, ёки сайтда жойлаштирилган бошқа ҳар қандай материаллардан
фойдаланиш фақат сайт маъмурияти рухсати билан амалга оширилади. Сайтдан маълумот руҳидаги
ҳар қандай материални олиб бошқа сайтда жойлаштирилганда манбага фаол ҳавола кўрсатилиши шарт.
ИЗОҲЛАР 1