Жаҳонгир Отажоновнинг концертидан
Хонанда Жаҳонгир Отажонов 11 март куни «Туркистон» санъат саройида ўзининг навбатдаги концерт дастурини тақдим қилди.
Бу хонанданинг сўнгги 10 ой ичида учинчи бор яккахон концерт дастурини тақдим қилиши бўлиб, бундан олдинги иккита дастурни «Истиқлол» санъат саройида ўтказган эди. У «Туркистон» санъат саройининг саҳнасида ўзгача кўринишда пайдо бўлди, яъни замонавий хонанда образини ўзида акс эттирди.
Хонанда дастурни «Истайсизми йўқми» деб номланган қўшиқ билан бошлаб берди. Бирин-кетин куйланган «Гуноҳим», «Соғиндим ёмон», «Муштоқман», «Алам», «Кўрдингму» тароналаридан сўнг, хонанда «Лола» деб номланган қўшиғини илк бора ижро қилди.
Хонанда концерт давомида фақатгина бир маротаба залга тушди, унинг кичик залдаги «қисқа саёҳати» давомида ўрнидан турмаган мухлис, рақсга тушмаган меҳмон қолмади.
Концертдан ўрин олган тароналар сўзи Саъдий Шеърозий, Маҳтумқули, Муҳаммад Юсуф, Ўктам Давлетов, Бобур Бобомурод сингари шоирларнинг ижодига мансуб.
«Сен мени ўзингга ўргатиб қўйма» деб номланган таронаси ҳам жуда ажойиб, ўзига хос ва рақсбоп тароналардан.
Юлдуз Усмонованинг «Хоразмлик қизлар босди Тошкандини» деб номланган қўшиғига раддиа қўшиғини ҳам дастурда куйлади.
Шундан сўнг хонанда Хоразмча йўналишдаги қўшиқларни куйлади.
ИЗОҲЛАР 0