1 сентябрдан Milliy телеканали тўлиқ эфирда

4 август куни синов тартибида ишга тушган «Milliy» (MTV) номли янги телеканал, 1 сентябрдан бошлаб тўлиқ эфир намойишига ўтади. Томошабин эфирни эрталаб соат 07:00дан бошлаб кўришлари мумкин бўлади.

1 сентябр кунидаги телеканалнинг эфир намойиши жадвалидан «Shirchoy» тонги дастури ўрин олган. Кўрсатув соат 07:00да тақдим этилади.

«... Gacha» номли шоу дастурдан 19:30да баҳраманд бўлиш мумкин.

Шунингдек, каналнинг тантанали тақдимотига бағишланган кўрсатув сони соат 20:00да эфирга узатилади.

Шуни таъкидлаш жоизки, «Milliy» (MTV) телеканалига уланиш учун телевизордаги телеканаллар рўйхатидан автоқидирувни ёқиб, тўлқинни созлаб олиш зарур бўлади. Агарда томошабин кабель телевидение ҳизматига уланган бўлса, у ҳолда автоқидирувдан фойдаланиши ёки телеканални созлаш учун операторга мурожаат қилиши лозим бўлади. Бундан ташқари ҳар бир томошабин телеканланинг YouTube тизимидаги расмий саҳифасида барча кўрсатувлар намойишини дунёнинг турли чеккаларидан томоша қилишлари мумкин бўлади.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.