Лионель Месси расман ПСЖ клубига ўтди

Аргентиналик футболчига 10 га яқин клубларидан таклифлар келиб тушган эди. Улар орасида Челси, Манчестер Сити, ПСЖ ва Тоттенхем ҳам бор.
 

 

Месси ПСЖ жамоасида 10 рақам Неймар томонидан банд бўлганлиги туфайли 30 рақам остида тўп сурадиган бўлди. Одатда Франция чемпионатида 30 рақам дарвозабонларга тегишли бўлиб келган. Бироқ, янги келган Мессининг юлдузлик мақомини ҳисобга олган ҳолда, клуб раҳбарияти истисно қилди.
 

 

Ҳужумчининг француз клуби билан шартномаси 2024 йил июнь ойининг охиригача амал қилади ва яна бир мавсумга узайтирилиши мумкин.
 

 

ПСЖ 11 август, чоршанба куни Лионель Месси билан бўлиб ўтадиган матбуот анжумани ўтқазилишини расмий твиттер тармоғида эълон қилди. Тақдимот маросими ПСЖ клубининг стадионида Тошкент вақти билан 14:00 да бошланиши режалаштирилган. Аргентиналик футболчининг бир мавсумлик маоши 35 миллион еврони ташкил қилади.
 

 

Месси фаолиятини бошлагандан буён фақат Барселона да тўп сурган. Футболчи Каталония клуби таркибида 10 та Испания чемпионлиги, 4 марта УЕФА Чемпионлар Лигаси, 7 марта Испания кубоги, 8 марта Испания суперкубоги ва 3 марта клублараро Жаҳон чемпионлигини қўлга киритган.