Адиз ва Улуғбек «Дилберим» фильмида

Икки таниқли актёр, ўзбек ва қирғиз кино ижодкорлари ҳамкорлигида суратга олинаётган фильмда.

Фильм Чингиз Айтматовнинг «Сарвқомат дилбарим» асари асосида суратга олинаётган бўлиб, картинадаги воқеалар ривожи бизнинг давримизда акс этади. Бош қаҳрамонлар образини ўзбек киносининг энг талабгир актёрлари Адиз Ражабов ва Улуғбек Қодиров, шунингдек қирғизистонлик актрисалар Мадина Талипбек ва Элина Абай қизи ижро этишмоқда.

«Дилберим» деб номланган фильм Тошкент, Наманган, Андижон вилоятларида суратга олинади. Сценарий муаллифи Керез Зарликова, фильм режиссёри Сарвар Каримов. Кино асарнинг тақдимот маросими Чингиз Айтматовнинг таваллуд айёми – 12 декабрга режалаштирилмоқда.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.