alt alt    alt

 
КИРИШ/РЎЙХАТДАН ЎТИШ
00:00
Now playing
Выберите радиостанцию
Янгиликлар

Аср жанги: Хабибнинг ғалабаси

Конор Макгрегор залга ирландча The foggy dew композицияси билан кириб келди. Россиялик Хабиб Нурмагомедов эса Сабина Саидованинг «Мой Дагестан» таронаси остида ташриф буюрди.

altaltalt

Узоқ кутилган жанг Хабиб Нурмагомедов устунлигида бошланди. Хабиб жангни ўз услубида бошлаб, рақиби Конор Макгрегорни ерга ётқизиб, устунликни қўлга олишга уринди. Биринчи раундда Хабиб батамом рақибини ўз назорати остига олишни уддасидан чиқди ва ирландиялик жангчи бутун раундни ўтирган ҳолда ўтказди. 

alt

Конор вазиятдан чиқиб кетишга қанчалик уринмасин, жангни сўнгига қадар Хабиб олдида кучсиз эканлигининг аксини исботлай олмади.

alt

Учинчи раундда Хабиб яна бир бор Макгрегорни ерга ётқизишга ҳаракат қилиб кўрди, лекин ирландиялик жангчи оёқда қолишнинг уддасидан чиқди. Конор қоидаларни бузган ҳолда Хабибнинг энса соҳасига зарба берди. 

Тўртинчи раундда Конор енгилди. Нурмагомедов тик оёқдаги ўзининг ишончли позицияси билан кўпчиликни ҳайрон қолдирди. Бироз тик ҳолатдаги зарбалардан сўнг Хабиб жангни ерда ўтказишга қарор қилди ва бўғувчи ҳаракат билан рақибини енгди. 

Доғистонлик жангчи навбатдаги курашни ҳам муддатдан аввал ўз фойдасига ҳал қилди ва чемпионлик камарини сақлаб қолди. 

alt

Хабиб Нурмагомедов
 

UFCнинг енгил вазндаги чемпиони – энг яхши жангчилар рўйхатининг саккизинчи поғонасини эгаллаб туради. Чемпионлик мақомини америкалик Эл Яквинт билан ўтказган жангидан сўнг олган. Бугунга қадар 26та жанг ўтказиб, барчасида ғалабага эришган. 
Жангда Хабиб тейкдаунлардан (жангни ерга ўтказиш) фойдаланади, бу услуб америка мактабига хос бўлиб, унинг бу ҳаракатидан сўнг, рақибда кўтарилиш учун имконият қолмайди. 

alt

Конор Макгрегор
 

Ирландиялик жангчи 2016 йилдан 2018 йилгача енгил вазнда UFC чемпиони бўлган. Ташкилотнинг энг яхши жангчилари рўйхатида икинчи ўринни эгаллаб туради. Шу кунгача 24 та жанг ўтказиб, улардан 21тасида ғалаба қозонган. Ўтган йили профессионал боксда ўз кучини синаб кўрган, лекин чемпионлик баҳсларида америкалик Флойд Мейвезерга ютқазиб қўйган. 
Конорнинг кучли тарафлари – нокаутга туширадиган кучи, шунингдек, зарбаларининг нишонга аниқ тегиши.

alt

 

 

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.
Нашр санаси: 07-10-2018

ИЗОҲЛАР 0

Авторизация Изоҳ қўшиш учун авторизация қилинг