Болливуд юлдузи юртимизда клип суратга олди

Ҳиндистонлик таниқли хонанда Арко Право Махержи Ўзбекистонда клип суратга олди.

Туризмни ривожлантириш қўмитаси томонидан «Ўзбекистон» туристик брендини дунёга танитиш борасида бир қатор ишлар амалга оширилмоқда. Бу ишларнинг навбатдагиси ҳиндистонлик таниқли юлдузларнинг Ўзбекистонда клиплар суратга олишлари бўлди.

Ўзбекистоннинг Ҳиндистондаги элчихонаси ва «Ўзбеккино» миллий агентлиги билан ҳамкорликда амалга оширилаётган лойиҳалар доирасида, май ойининг биринчи ярмида болливудлик машҳур юлдуз Арко Право Мукхержи Ўзбекистонда клип суратга олдирди. Хонанданинг Ўзбекистонга ташрифи унинг ижтимоий тармоқдаги расмий саҳифаларида ёритиб борилди.

Лойиҳанинг галдаги меҳмонлари Каника Капур ва Meet Bros гуруҳлари бўлиб, уларнинг видеоклиплари интернет сайтлари орқали 200 миллиондан ортиқ марта кўрилган.

Манба:https://uzbektourism.uz

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.