Чимён устида катта ҳаво шари парвоз қилди
Баландлиги 5 қаватли уй билан баробар ҳаво шари Чимёнда осмонга биринчи парвозини амалга оширда. Бу шарнинг илк синов тарзида кўтарилиши бўлди. Кейинчалик 4 нафар йўловчи бирданига ҳавога кўтарилиш имконига эга бўлади. Битта одамга учиш нархи аниқлаштирилмоқда.
Тоҳир Солиев, Ўзбекистон аэронавтика федерацияси раиси.
«Бундай катта ҳажмдаги ҳаво шари бизнинг юртимизда илк бор осмонга кўтарилди. Келажакда бизнинг федерация аэронавтика мактабини ҳам очишни мўлжаллаган».
Шарнинг илк расмий учиши 18 август куни Учтепа туманидаги янги истироҳат боғининг очилишида бўлиб ўтади.
Пойтахтда эса ҳаво шарини информацион технологиялар сохасига йўналтирилган ICTEXPO 2017 номли кўргазмасида кўришингиз мумкин бўлади. Ушбу кўргазма 19 дан 21 сентябрга қадар давом этади.
Шарни ҳавога учиришда Ўзбекистон Республикаси Миллий банки ёрдам кўрсатди.
ИЗОҲЛАР 0