Comedy.uz яна телеэкранларга қайтадими?!

Узоқ муддатли танаффусдан сўнг, "Сomedy.uz" резидентлари яна мухлисларига аъло кайфият улашиш ниятида. Ижтимоий сайтлар орқали, гувоҳи бўлишингиз мумкин, резидентлар тинмай, барча мухлислари учун янги ҳазиллар ва видеолар тақдим этишяпти ва мухлислар томонидан жўнатилган ҳазилларни ҳам эътибордан четда қолдирмаган ҳолда энг яхшиларини ўз аккаунтларида тақдим этишмокда. Билишимизча энг кулгили ҳазил соҳиби, тез кунда бўлиб ўтадиган концертни суратга олиш жараёнига икки кишилик таклифномани қўлга киритиш имкониятига эга. Сентябрь ойидан бошлаб, "МУ5" телеканали орқали, янги дастурлар намойиш этилиши режалаштирилмокда. Бундан ташқари, яна бир қатор кўнгилочар ва юмористик кўрсатувлар барчанинг эътиборига ҳавола этиш режалаштириляпти. Қолаверса йигитлар, айни дамда, янги концерт дастурлари устида ишлашяпти. Резидентларга куч-қуват тилаймиз ва янгиликларни кутиб қоламиз!!!