Дизайнер Наримон Григоряндан тез кунда янги либослар тўплами

Хореограф, «Тодес» илк босқичи иштирокчиси Наримон Григорян стилист, дизайнер Лидия Андрэ билан ҳамкорликда 22 октябр куни International Hotel Tashkent меҳмонхонасида соат 19:00да ўзининг янги либослар тўпламини омма эътиборига тақдим этади.

Либослар намойиши хореография элементлари билан 4та блокдан иборат бўлади. Тақдим этилаётган тўпламда нафақат Наримоннинг шов-шувларга сабаб бўлган спорт кийимлари тўплами, балки парчадан, ёрқин безак тошлар билан безатилган оқшом либослари ҳам намойиш этилади.   

Наримон Григорян ўзбек юлдузлари Лола Йўлдошева, Шаҳзода, Муниса Ризаевалар билан ҳамкорлик қилган хореограф ва дизайнердир. Шунингдек, у Россиялик хонандалар Анна Плетнева, Инь-Янь гуруҳи, Остонада эса Осиё ўйинлари очилишида ва Лара Фабиан билан бига саҳнада ишлаган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.