Эктор Купер миллий терма жамоани бошқаради
Футбол бўйича Ўзбекистон миллий терма жамоасига Эктор Купер мураббий бўлиб келиши ҳақида хабар берган эдик. У расман таништириладиган сана миллий олимпия қўмитаси расмий сайтида маълум қилинди. ЎФА расмийлари 10дан зиёд номзодлар орасидан аргентиналик Эктор Куперни танлади. 6 август куни янги бош мураббий жамоатчиликка расман таништирилади.
62 ёшли Эктор Купер ўз фаолияти давомида Аргентинанинг «Ланус», Испаниянинг «Мальорка», Италиянинг «Интер» ҳамда Грециянинг «Арис» жамоаларини бошқарган. У 1999 йилда Испанияда, 2000 йилда эса Европада йилнинг энг яхши мураббийи деб топилганди. Эктор Купер 28 йилдан буён мундиал йўлланмасини қўлга кирита олмаётган мисрликларни Россия—2018га олиб чиққан.
Эндиликда Ўзбекистон миллий терма жамоасининг таклифини қабул қилган мураббий 6 август куни Миллий олимпия қўмитасининг анжуманлар залида, соат 15:00да жамоатчиликка таништирилади. Шундан сўнг у билан матбуот анжумани ташкил этилади.
ИЗОҲЛАР 0