Хадича «Ёлғиз қиз»га клип суратга олди

Режиссёри Жамшид Исакхўжаев хонанда Хадичанинг «Ёлғиз қиз» номли янги қўшиғига клип суратга олди.

Клип жараёнлари уч кун давомида пойтахтимизнинг турли гўшаларида бўлиб ўтди. Клипга ёш истеъдодли, дебютант актёрлар таклиф этилган. Видео асарни ранг-баранг, табиий фонлар билан бойитиш учун университет, талабалар ётоқхонаси, темир йўл каби бир нечта обьектлар танланган.

Хадича, хонанда:

«Қўшиқ ғояси ўзимга тегишли, оилада ёлғиз қиз фарзанд бўлганим учун бу мавзу менга бегона эмас. Қўшиқ ғоясини истеъдодли шоир Ҳушнуд Дарвешга айтганимда, эртасигаёқ шеърни жўнатдилар».

Дардли шеърга мусиқа басталаш ёш бастакорлардан бири Шоҳжаҳон Эргашевга ишониб топширилди. Клип режиссёри Жамшид Исакхўжаев, оператор Жасур Шаметов билан ҳамкорликда сюжет жанридаги видеолавҳа суратга олинди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.