Хасанбой Дўстматов - «Йилнинг энг яхши боксчиси»

Халқаро Бокс Ассоциациясининг Twitter.да сўровномасига кўра Хасанбой Дўстматов 77 % овоз билан «Йилнинг энг яхши боксчиси» совринига лойиқ топилди.

sports.uz хабарига кўра, Халқаро Бокс Ассоциацияси (AIBA) йилнинг энг яхши боксчисини аниқлаш учун Twitter ижтимоий тармоғи орқали сўровнома эълон қилган.

Унга кўра уч номзод бокс бўйича йилнинг энг нуфузли совринига давогарлик қилган:

- Хасанбой Дўсматов – Рио 2016 Олимпиада ўйинларининг олтин медал соҳиби (Ўзбекистон);

- Робейси Рамирес – Рио 2016 Олимпиада ўйинларининг олтин медал соҳиби (Куба);

- Данияр Елеуссинов - Рио 2016 Олимпиада ўйинларининг олтин медал соҳиби (Қозоғистон).

Бугун якунига етган сўровномада барча тўпланган овозларнинг 77 фоизини қўлга киритган ҳамюртимиз Хасанбой Дўсматов «Йилнинг энг яхши боксчиси» совринига лойиқ деб топилди.

Шунингдек, нашр маълумотига кўра Халқаро Бокс Ассоциацияси (AIBA) «Йилнинг энг яхши боксчиси»ни аниқлаш учун қайта сўровнома ўтказмаса, соврин жорий йилнинг 20 декабрь куни Хасанбой Дўсматовга топширилади (чунки сўровномада дунё бўйлаб 1,234 нафар фойдаланувчи иштирок этган холос).

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.