Ислом Каримовга бағишланган китоб тақдимоти
Ўзбекистон Республикасининг Биринчи Президенти Ислом Каримовга бағишланган китоб 15 000 нусхада нашр этилган бўлиб, Республикамизнинг барча кутубхоналари, Олий ва ўрта таълим муассасаларига тарқатилади.
Китобдан хорижлик ҳамда мамлакатимизнинг давлат ва сиёсат арбоблари, фан, маданият ҳамда санъат намоёндалари, турли ёш, турфа касб эгалари, ватандошларимиз шунингдек, Биринчи Президентимиз билан узоқ йиллар ёнма-ён фаолият юритган инсонларнинг дил сўзлари, Ислом Абдуғаниевич билан боғлиқ ҳаётий ҳикоялар ва самимий ёдномалар жамланмаси ўрин олган. Китобда ўқувчилар И.Каримов ҳаёти ва фаолияти-болалиги, таҳсил йиллари ва турли лавозимларда ишлаган кезлари ҳақида ҳикоя қилувчи фотолар ҳавола этилган.
Кечага таклиф этилган меҳмонлар саҳнада Биринчи Президентимиз ҳақидаги қимматли маълумотлари, хотиралари билан бўлишдилар.
Тадбирнинг иккинчи қисми маданий дастурларга бағишланди. Бу қисмни Ўзбекистон халқ шоири Иқбол Мирзо «Юрт отасига осон тутганлар» шеъри билан бошлаб берди. Бундан сўнг, Гулбаҳор Эрқулова, Яхё ва Мухсинбек Мўминовлар, Абдуҳошим Исмоилов, Рамз Усмонов, Муяссар Раззоқова, Муножот Йўлчиева, Ғуломжон Ёқубов, Озодбек Назарбеков, Зулайҳо Бойхонова, Гулсанам Мамазоитова, Алишер Файз ижроларидаги куй ва қўшиқлар йиғилганлар кўнглидан жой олди.
Тадбир якунида барчага китоблар совға қилинди.
ИЗОҲЛАР 0