«Культура» каналида Имом ал-Бухорий ҳақидаги фильм

Имом ал-Бухорийнинг ҳаёти ва фаолиятига бағишланган ҳужжатли фильм «Россия-Культура» телеканалида намойиш этилади.

Фильм 17-февраль куни Москва вақти билан соат 13:20 да эфирга узатилади. Мазкур фильм ислом тарихи ва маданиятидаги буюк шахс, минг йиллардан буён нафақат мусулмон оламида, балки бутун дунёда улкан ҳурмат – эътиборга сазовор инсон – Имом ал-Бухорий ҳаёти ва фаолиятига бағишланган.

Фавқулодда қобилиятли ва адолатпарвар Имом ал-Бухорий Қуръони Каримдан сўнг ислом таълимотидаги иккинчи китоб – «Ал Жомеъ ас-саҳиҳ» («Ишончли тўплам») асарининг муаллифи ҳисобланади. Фильмда Ўзбекистоннинг машҳур олимлари, хорижий экспертлар ва диний уламолар иштирок этган.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.