Ўзбек боксчиси Африка чемпионини нокаут қилди

Сингапурдаги жангда Қудратилло, Африкалик рақибидан ҳар томонлама устунлигини намойиш этиб, 12 раунд қилиб белгиланган жангнинг учинчи раундида ўзбек боксчиси рақибини кучли зарба билан нокаутга учратди.

Маълумот: Қудратилло Абдуқаххоров 1993 йилнинг 29 август куни Андижон вилоятида туғилган. 2015 йилнинг 18 октябрида профессионал рингдаги фаолиятини бошлаган. Шу кунгача тўққизта жангнинг барчасида зафар қучган ва олтита беллашувда рақибларини муддатидан олдинг енгган. Профессионал бокс бўйича Ўзбекистон чемпиони, World Boxing Foundation International – халқаро чемпионлик камари, WBC Asian Boxing Council Silver – Осиё кумуш камари соҳиби.

Қудратиллонинг рақиби Идд Пиалари профессионал боксчилик фаолиятини 2009 йили бошлаган. Ўтган йили бу боксчи Universal Boxing Organization (UBO) - Универсал бокс ташкилоти йўналиши бўйича Африка чемпионлик камарини қўлга киритган.

Айтиш жоизки, бу жанг ҳамюртимиз учун чемпионлик баҳсига тайёргарлик вазифасини ўтайди. Шу йилнинг 25 март куни Қудратилло зимбабвелик Африка чемпиони Чарльз Манючига қарши WBC Silver – кумуш камари учун жанг қилади.

Манба: sports.uz

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.