Ўзбек дизайнерлари Италия подиумини забт этдилар

Ўзбекистонлик дизайнерлар Елена Мильбергер ва Николай Нам Италияда бўлиб ўтган Халқаро мода фестивалида совринли ўринларни эгалладилар. 

«Fashion Marine Fest» 2016 Халқаро мода фестивали 25 июндан 2 июлга қадар Италиянинг Адриатик соҳилида бўлиб ўтди. Бизнинг дизайнерларимиз «Прет-а-порте» номинациясида совринли ўринларни эгалладилар. 

Елена Мильбергер (Тошкент) «Нозик қушнинг қанот қоқиши» тўплами билан сўзсиз биринчи ўринни эгаллаб, фестивалнинг мутлоқ ғолиби бўлди. 

 

 

 

 

«Нозик қушнинг қанот қоқиши» тўплами, Елена Мильбергер

Иккинчи ўрин қозоғистонлик Алена Полянская ва россиялик Рита Жилинага насиб этди. Учинчи ўринни эса яна бир юртдошимиз, ангренлик Николай Нам эгаллади.  

 

 

 

 

«Курортдаги ишқ» тўплами, Николай Нам 

Бу йил тадбир 7та мамлакат: Италия, Россия, Украина, Япония, Беларусь, Ўзбекистон ва Қозоғистонлик фэшн саноатининг профессионал иштирокчиларини бир ерга тўплади. 
Фестивал доираси қуйидаги номинациялар бўйича танловлар ўтказилди: либос ва аксессуарлар дизайнери, модель, фотограф, парикмахер, стилист ва визажист. Танловда қатнашишга профессионал билан бир қаторда ҳаваскорлар ҳам таклиф этилди.  

Fashion Marine Fest ҳар йили Италияда ўтказилади. Мазкур тадбирнинг машҳурлигини қуйидаги рақамлар орқали ҳам кўришимиз мумкин: дунёнинг 7 мамлакати ва Россиянинг 25та ҳудудидан 350та иштирокчи, 50дан ортиқ тўпламлар, 10 000дан ортиқ фотосуратлар. 

Кейинги сафар фестивал 2017 йилнинг июнида бўлиб ўтади, лекин шуни таъкидлаб ўтиш жоиз, ташкилотчилар эндиликда мазкур фестивални йилига икки маротаба ўтказишни режалаштирмоқдалар.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.