«Ўзбекистон 24» ўз иш фаолиятини бошлади

24 июль куни «Ўзбекистон 24» ахборот-таҳлилий телеканали эфирга чиқди. Бундан аввал ушбу телеканал синов тариқасида эфирга узатилаётган эди. «Ўзбекистон 24» яқинда ёпилган Diyor канали частоталарида фаолият кўрсатади. 
Ушбу телеканални очиш таклифи май ойида мамлакат президенти Шавкат Мирзиёев томонидан билдирилган. Давлат раҳбари бир неча марта журналистларга янгича ишлаш ҳақида гапирган эди. Айни дамда телерадиоканал орқали Ўзбекистон ҳаётидаги воқеалар жонли эфирда томошабинларга ҳавола этилмоқда. «Ўзбекистон-24» телеканалининг техник имкониятлари, студияси бошқа мамлакатларнинг жонли эфирга чиқадиган ахборот телеканаллари билан рақобатлаша олади деса муболаға бўлмайди. Телеканал очилиши юртбошимизнинг  туғилган кунига тўғри келди.

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.