Ўзбекистон рамзлари акс этган Япон кимоноси

Токиода 2020 йилда бўлиб ўтадиган Олимпиада ўйинларига тайёргарлик жараёнлари доирасида Ўзбекистон миллий рамзлари акс этган япон кимоносининг тақдимоти ўтказилди.

Кенг омма эътиборига ҳавола этилган  кимонода Республикамиз байроғи, юртимизнинг тарихий диққатга сазовор жойлари, жумладан Самарқанддаги Регистон майдони, Алишер Навоий номидаги Давлат Академик катта театри суратлари акс эттирилганлигини кўриш мумкин. Тақдим этилган кўпгина кимонолар ўзбек атласидан тикилган.

Халқлар миллий рамзи акс этган Япон кимоносини ишлаб чиқариш Imagine One World Токио ассоциацияси ташаббуси ва ғояси билан амалга оширилган.   

Kunutun.uz нинг Telegram’даги расмий каналига обуна бўлиб, янгиликлардан кунутун хабардор бўлинг.